Pasažyrka paskardziłasia na ściuardesu avijakampanii Jetstar, jakaja publična pryniziła jaje za źniešni vyhlad. Pra heta paviedamlaje Daily Mail.
Jak raspaviała 28-hadovaja Šašana Strajkiert, incydent adbyŭsia paśla pasadki na rejs ź Mielburna ŭ Bryśbien, Aŭstralija. Strajkiert lacieła naviedać maci ŭ balnicy i nie zadumvałasia, u što apranuta. Na joj byli čorny krop-top i śvietła-ružovyja štany z vysokaj talijaj.
Pa słovach Strajkiert, jak tolki jana padniałasia na bort, da jaje padyšła ściuardesa i pačała adčytvać za ŭbor.
«Bortpravadnica zrabiła mnie zaŭvahu i paprasiła mianie nadzieć futbołku abo prykrycca pledam», — paskardziłasia Strajkiert. Jana taksama dadała, što nieznajomaja pasažyrka, jakaja nazirała za skandałam, z žalem praciahnuła joj svaju kurtku.
«Usie pasažyry pilna hladzieli na mianie. Ja była prynižanaja i abražanaja. Pad maim topam byŭ biusthaltar, a źnizu źlohku byŭ bačny žyvot. Jetstar nazvali mianie rasputnicaj, a potym prapanavali 50 dalaraŭ zamiest prabačeńniaŭ», — aburyłasia Strajkiert.
Jana patłumačyła, što paśla skarhi, apublikavanaj u sacyjalnych sietkach, kampanija pradastaviła joj vaŭčar sa źnižkaj na nastupny pieralot.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary