Premjer-ministr Japonii Sindza Abe vyłučyŭ prezidenta ZŠA Donalda Trampa na Nobieleŭskuju premiju miru za namahańni pa ŭrehulavańni jadziernaj prablemy KNDR. Pra heta sam amierykanski lidar paviedamiŭ u piatnicu na pres-kanfierencyi ŭ sadzie Biełaha doma, pieradaje TASS.
Pa słovach Trampa, Abe niejki čas tamu nazad pieradaŭ jamu kopiju svajho lista ŭ Narviežski nobieleŭski kamitet.
«Premjer-ministr Japonii Abe pieradaŭ mnie kopiju dzivosnaha lista, jaki jon nakiravaŭ asobam, jakimi prysudžajecca toje, što nazyvajecca Nobieleŭskaj premijaj miru. Jon skazaŭ, što vyłučyŭ mianie ad imia Japonii: «Prašu ich prysudzić vam Nobieleŭskuju premiju miru», — pieradaŭ słovy japonskaha premjera Tramp.
«Ja skazaŭ [u adkaz]: «Dziakuj, mnohija inšyja prytrymlivajucca takoha ž mierkavańnia». Ja, vierahodna, nikoli jaje [Nobieleŭskuju premiju miru] nie atrymaju, ale ničoha. Jany jaje dali [papiaredniamu prezidentu ZŠA Baraku] Abamie. Jon navat nie razumieŭ, za što jaje atrymaŭ», — praciahvaŭ kiraŭnik Biełaha doma.
Pasłańnie Abe Narviežskamu nobieleŭskamu kamitetu zaniało nibyta piać staronak. Tramp nie ŭdakładniŭ, kali mienavita atrymaŭ ad japonskaha premjera kopiju hetaha dakumienta.
«Viedajecie čamu [premjer Japonii źviarnuŭsia ŭ Narviežski nobieleŭski kamitet]? Tamu što… nad Japonijaj latali rakiety [KNDR] <…> Ciapier narešcie jany [japoncy] adčuvajuć siabie ŭ biaśpiecy. Dziakujučy mnie», — zajaviŭ Tramp.
«U nas spačatku [z Paŭnočnaj Karejaj] išoŭ vielmi žorstki dyjałoh. «Ahoń i lutaść», «poŭnaje źniščeńnie», «maja knopka bolšaja za vašu, i maja knopka pracuje», pamiatajecie <…> Ludzi kazali: «Tramp źjechaŭ z hłuzdu», — skazaŭ prezident.
«A čym usio skončyłasia? Vielmi dobrymi adnosinami!» — pierakanany Tramp. «Jon [Kim Čen Yn] mnie vielmi padabajecca, i ja jamu padabajusia», — adznačyŭ u suviazi z hetym kiraŭnik vašynhtonskaj administracyi.
Na jaho pohlad, «nichto b hetaha nie damohsia». «Administracyja Abamy nie zmahła b hetaha damahčysia. Jany, pa-pieršaje, nie stali b hetaha damahacca, i, pa-druhoje, u ich nie było zdolnaściaŭ, jakija dazvalajuć hetaha damahčysia», — miarkuje Tramp.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary