Minsk — Vialikaja Svarotva — Novaja Myš — Baranavičy — Žyrovičy — Minsk.
Fond «Kraina zamkaŭ» zaprašaje ŭsich achvotnych naviedać niekalki ŭnikalnych pravasłaŭnych chramaŭ.
U Vialikaj Svarotvie znachodzicca adzinaja ŭ Biełarusi carkva z tryma ścienami, u kožnaj ź jakich jość dźviery.
Ličycca, što heta zroblena dla taho, kab u chramie mahli malicca adnačasova jak pravasłaŭnyja, tak i kataliki z unijatami, i kožny ŭvachodziŭ u svaje dźviery. Trochkutnaja draŭlanaja carkva była pabudavana ŭ 1747 hodzie, a ŭ 1823-m pierabudavanaja ŭ kamieni z zachavańniem stylistyki.
U Novaj Myšy zachavałasia draŭlanaja carkva Pieramianieńnia Haspodniaha, dzie ŭ interjerach znachodziacca staradaŭnija ŭnijackija abrazy XVIII stahodździa.
A za piaćdziasiat mietraŭ ad carkvy staić parafijalny kaścioł pieršaj pałovy XIX stahodździa, pabudavany na srodki Franciška Sapiehi.
Kaścioł nievialiki, viaskovy kłasicyzm, ničoha asablivaha. Ale tolki na pieršy pohlad. Kali ŭvachodzicie ŭsiaredzinu i bačycie raźbianyja baročnyja ałtary, ambon, chory, arhan, mižvoli ŭźnikaje pytańnie: adkul heta tut?
Usiaredzinie kaścioła Pieramianieńnia Pana možna palubavacca ŭratavanymi interjerami niaśvižskaha kaścioła bieniedyktynak.
Pakroŭski sabor u Baranavičach uźviedzieny krychu mienš za sto hadoŭ tamu, u 1920-ja. Znakamity jon u pieršuju čarhu tym, što ŭ im raźmieščanyja frahmienty mazaiki z varšaŭskaha sabora Alaksandra Nieŭskaha. Pierad znosam ŭ 1924-26 hadach samaha vialikaha pravasłaŭnaha sabora Polščy frahmienty fresak, ikanastasy byli pieradadzienyja roznym pravasłaŭnym supołkam.
Žyrovičy viadomyja byłym unijackim manastyrom.
Pieršapačatkovyja draŭlanyja pabudovy nie zachavalisia: na ich miescy, pačynajučy z XVII st., byŭ stvorany kompleks kamiennych zbudavańniaŭ. U kancy XVII st. Žyrovicki manastyr ličyŭsia samym bahatym u Biełarusi i Litvie, karystaŭsia siarod unijataŭ takoj ža viadomaściu, jak Čanstachoŭski manastyr u katalikoŭ.
Budaŭnictva chramaŭ u Žyrovičach praciahvałasia da siaredziny XIX stahodździa. Da hetaha času ŭ kompleks uvachodzili Uśpienski sabor, Bohajaŭlenskaja i Kryžaŭźvižanskaja carkvy, trochpaviarchovy manastyr ź sieminaryjaj, kielli, trapieznaja, kaplica i šmatlikija padsobnyja pabudovy. Miełasia nievialikaja drukarnia. Za aharodžaj manastyra znachodziŭsia sad i sažałki na nievialikaj rečcy Vichnie, prytoku Ščary.
Daviedacca padrabiaznaści i zapisacca ŭ vielikodnaje padarožža možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
Kamientary