«Ja hetuju špakoŭniu starajusia abychodzić». Žycharka vulicy Hikała raskazvaje pra dziŭnuju prybudovu na trecim paviersie doma FOTA
Zdymki dziŭnaj prybudovy da doma pa vulicy Hikały ŭ Minsku ablacieli ŭvieś biełaruski internet. Jašče b — dadatkovy pakoj źjaviŭsia… na trecim paviersie!
«Viartajusia z pracy, hladžu, ranicaj jašče ničoha nie było, a ŭviečary znajomy mular zakančvaje rabić prybudovu na trecim paviersie!» — raskazvaje žycharka doma pa vulicy Hikały, u jakim prybudavali toj samy pakoj.
Maryja Biaśśmiertnaja — susiedka pradprymalnych pašyralnikaŭ žyłoj płoščy. Pa jaje słovach, zahadkavaja prybudova źjaviłasia hadoŭ 15 tamu.
«Budavaŭ jaje kolišni haspadar, niejki kedebist, ź imi ja asabliva nie siabravała. Salidny taki dziadźka byŭ, pry kapielušy i kaściumie, čaho b jon z nami, prostymi rabočymi, siabravaŭ?
Ale dazvoł, viedaju, pytaŭsia va ŭsich susiedziaŭ, jakija žyli ź im pa adnym stajaku. U jaho, nakolki ja pamiataju, była ideja zrabić takija prybudovy ŭsim susiedziam ź pieršaha da piataha paviercha. Nichto nie pahadziŭsia, ale i samomu budavać nie zabaranili. Dali dazvoł», — raskazvaje Maryja.
Pra toje, što dali taki dazvoł, bolš za ŭsio paškadavali susiedzi z druhoha paviercha. Kali ŭźviali hetuju prybudovu, akazałasia, što ŭ ich pakoi zaŭsiody cień.
«I mnie stała niazručna. Raniej vychodziła na bałkon, bačyła, što robicca ŭ dvary sprava, a ciapier upirajusia pozirkam u ścianu. Dy i vosaŭ raźviali, letam niemahčyma prosta, ceły roj lataje. Jany žyvuć vuń tam, pad kazyrkom prybudovy», — narakaje Maryja.
Heta prybudova pašyryła kuchniu jaje susiedziaŭ.
«Zachodziła niejak da ich, kali ŭžo inšyja haspadary byli, toj kedebist u Maskvu źjechaŭ, kvateru pradaŭ. Dyk voś, tam staić plita, a ŭ kuchni choładna-choładna, haspadary navat nie abiedajuć tam, za talerki — i ŭ pakoj», — praciahvaje susiedka.
Jak budavali hety pakojčyk, susiedka pamiataje taksama:
«Za adzin dzień zbudvali, Cehłu kłali na draŭlanyja ryštavańni. Doŭhi čas prybudova tak i vyhladała — špakoŭnia ź biełaj cehły. A kali hadoŭ piać tamu rabili kapitalny ramont, prybudovu ŭciaplili, patynkavali».
Paśla taho, jak na prybudovu na vulicy Hikały źviarnuli ŭvahu žurnalisty, da doma stali prychodzić niejkija ludzi z čyrvonymi papkami.
«Vidać, z ŽEKu, bo cikavilisia tym, chto dazvoliŭ prybudavać. A haspadary tut nie žyvuć, kvateru hetuju zdajuć. Tamu navat nie viedaju, ci trapiła heta kamisija ŭ kvateru», — miarkuje žycharka doma.
Susiedka Maryja kaža, što heta kanstrukcyja ŭ jaje davieru nie vyklikaje. Tamu žančyna starajecca pad joj nie prachodzić.
«Kažu ž, budavali hadoŭ 15 tamu, kłali na dreva. Nu jaho, ja lepš z druhoha boku abyjdu», — zaviaršyła susiedka.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec66
Kamientary