Kamanda Zialenskaha budzie vybudoŭvać z Alaksandram Łukašenkam adnosiny, jakija dapamohuć zachavać stabilnaść u rehijonie. Pra heta ŭ kamientary dla Tut.by zajaviŭ eks-ministr finansaŭ Ukrainy pry Piatru Parašenku i člen kamandy Zialenskaha Alaksandr Daniluk, jakomu pradrakajuć pasadu ministra zamiežnych spraŭ abo premjera va ŭradzie novaha prezidenta.
— My za stabilny rehijon. Siońnia my žyviom u niestabilnym rehijonie, u jakim jość ryzyka — u nas ahulny «partnior» na ŭschodzie. I my razumiejem vykliki, jakija stajać pierad nami i pierad vami. Tamu, naturalna, nas cikavić tolki zbližeńnie adnosin [ź Biełaruśsiu], bo ryzyki ŭ nas ahulnyja, mała taho, u nas hetyja ryzyki ŭžo realizavalisia, — ličyć Alaksandr Daniluk.
Na dumku eks-ministra, siońniašni niejtralitet u kanflikcie na ŭschodzie Ukrainy i «bałansiroŭka» Biełarusi pamiž Rasijaj i Ukrainaj — pytańnie času.
— Ja dumaju, nam treba budzie vielmi šmat dyskusij, ale kali my ŭzvažym usie plusy i minusy, prezident Biełarusi zrobić pravilny vybar, — ličyć Daniluk.
Daniluk taksama zapeŭnivaje, što na palityku Zialenskaha nie budzie akazvać upłyŭ aliharch Ihar Kałamojski.
— Ja liču, što hetaha ŭpłyvu nie budzie. Viadoma, budzie žadańnie ŭsiaho isteblišmientu, usich aliharchaŭ ŭpłyvać na ŭładu, jak jany, dumaju, robiać ciapier. Ale ciapier jany nie ŭpłyvajuć, jany — častka ŭłady. Budzie taja ž samaja sproba, žadańnie paŭpłyvać na novuju ŭładu. Ale Zialenski — čałaviek nie ź sistemy, jon budzie hetamu maksimalna pieraškadžać i budzie duža niezaležnym prezidentam, — ličyć Daniluk.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary