Za časami prezidenctva Uładzimira Zialenskaha Ukraina nie budzie addavać svaje ziemli i svaich hramadzian. Takuju zajavu zrabiŭ pradstaŭnik jaho štaba Dźmitryj Razumkaŭ u efiry telekanała «112 Ukraina».
«U nas jość dźvie čyrvonyja rysy: my nie hatovyja handlavać, zdavać u karotkaterminovuju abo doŭhaterminovuju arendu, daryć, [addavać] u karystańnie ŭkrainskija ziemli i ŭkrainskich hramadzian — hetaha nikoli nie adbudziecca pry prezidencie Zialenskim», — skazaŭ jon.
Pavodle jaho słoŭ, novy kiraŭnik dziaržavy ličyć Krym ukrainskim. «Ukrainski Krym i ŭkrainski Danbas», — padkreśliŭ Razumkaŭ.
Adkazvajučy na pytańnie pra dalejšy los minskich pahadnieńniaŭ, pradstaŭnik štaba Zialenskaha adznačyŭ, što da hetych damoŭlenaściaŭ ciapier vielmi mnohaje pryviazana. «Alternatyvy Minsku (minskim pahadnieńniam) pakul nichto nie prapanavaŭ», — adznačyŭ Razumkaŭ.
Pavodle jaho słoŭ, važna zrabić tak, kab na momant, kali Ukraina vyrašyć vyjści z pahadnieńniaŭ, inšyja krainy nie zmahli admianić uviedzienyja imi suprać Rasii sankcyi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary