Naftatrejdary Vitol i Unipec prapanujuć svaim klijentam u Kitai nabyć sa źnižkaj zabrudžanuju pry prapampoŭcy pa trubapravodzie «Družba» rasijskuju naftu, ad kupli jakoj admovilisia jeŭrapiejskija spažyŭcy. Pra heta paviedamlaje sa spasyłkaj na svaje krynicy ahienctva Reuters. Pavodle jaho danych, užo ŭ najbližejšaj budučyni Vitol i Unipec płanujuć adpravić u Kitaj na tankierach kala 700 tysiač t zabrudžanaj nafty, što składaje prykładna pałovu jaje abjomu, adpraŭlenaha za apošnija tydni na ekspart z rasijskaha porta Uść-Łuha.
Ź jakoj mienavita źnižkaj atrymajuć zabrudžanuju rasijskuju naftu kitajskija spažyŭcy, nieviadoma. Krynicy Reuters u asiarodździ jeŭrapiejskich naftatrejdaraŭ paviedamlajuć, što zabrudžanuju naftu prapanoŭvali sa źnižkaj $10-20 z kožnaha barala, adnak vialikaj cikavaści ŭ Jeŭropie prapanova nie vyklikała. Ekśpierty adznačajuć, što dla vykarystańnia zabrudžanaj nafty na zvyčajnych NPZ jaje nieabchodna razvodzić čystaj syravinaj u praporcyi 1 da 30. Takim čynam, kab vykarystoŭvać partyju zabrudžanaj nafty, nieabchodna budzie jašče 20-30 takich ža partyj čystaj nafty.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary