Navukoŭcy vyjavili adzin z najbujniejšych padvodnych vułkanaŭ, vyznačyŭšy krynicu zahadkavaj siejśmičnaj aktyŭnaści, jakaja była zarehistravanaja ŭ listapadzie 2018 h. pamiž Madahaskaram i ŭschodnim uźbiarežžam Afryki. Jaho vyšynia nad uzroŭniem dna składaje 0,8 kiłamietra. Ab hetym paviedamlajecca ŭ pres-relizie na Live Science.
Huł, jaki hučaŭ na adnoj zvyšnizkaj častacie, byŭ zafiksavany siejsmohrafami pa ŭsim śviecie. Zvyčajna siejśmičnyja chvali rehistrujucca na niekalkich častotach. Akramia taho, navukoŭcy nie vyjavili prykmiety aktyŭnaści, jakaja charakterna dla ziemlatrusaŭ. Pry hetym vostraŭ Majota ssunuŭsia na niekalki santymietraŭ na paŭdniovy ŭschod.
Daśledčyki patłumačyli fienomien naradžeńniem novaha padvodnaha vułkana, raźmieščanaha za 50 kiłamietraŭ ad uschodniaha ŭźbiarežža vostrava. Na karyść hetaj viersii taksama kazała toje, što miascovyja žychary ź siaredziny minułaha hoda amal kožny dzień adčuvali słabyja šturški, kolkaść jakich dasiahnuła 1800. U mai 2018 hoda adbyŭsia bolš mocny ziemlatrus mahnitudaj 5,8, jaki staŭ adnym z najbujniejšych u rehijonie.
Hieołahi praanalizavali dadzienyja siejsmomietraŭ, raźmieščanych na hłybini pablizu krynicy siejśmičnaj aktyŭnaści. Akazałasia, što hłyboka, pad dnom, znachodzicca bujnaja mahmatyčnaja kamiera, u jakoj źmiaščajecca kala piaci kubičnych kiłamietraŭ mahmy. Huł źviazany z vychadam mahmy z kamiery, u vyniku čaho adbyvajecca apuskańnie ziamnoj kary. Viadoma, što za apošni hod Majota apuściłasia na 13 santymietraŭ.
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej3
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary