Навукоўцы выявілі адзін з найбуйнейшых падводных вулканаў, вызначыўшы крыніцу загадкавай сейсмічнай актыўнасці, якая была зарэгістраваная ў лістападзе 2018 г. паміж Мадагаскарам і ўсходнім узбярэжжам Афрыкі. Яго вышыня над узроўнем дна складае 0,8 кіламетра. Аб гэтым паведамляецца ў прэс-рэлізе на Live Science.
Гул, які гучаў на адной звышнізкай частаце, быў зафіксаваны сейсмографамі па ўсім свеце. Звычайна сейсмічныя хвалі рэгіструюцца на некалькіх частотах. Акрамя таго, навукоўцы не выявілі прыкметы актыўнасці, якая характэрна для землятрусаў. Пры гэтым востраў Маёта ссунуўся на некалькі сантыметраў на паўднёвы ўсход.
Даследчыкі патлумачылі феномен нараджэннем новага падводнага вулкана, размешчанага за 50 кіламетраў ад усходняга ўзбярэжжа вострава. На карысць гэтай версіі таксама казала тое, што мясцовыя жыхары з сярэдзіны мінулага года амаль кожны дзень адчувалі слабыя штуршкі, колькасць якіх дасягнула 1800. У маі 2018 года адбыўся больш моцны землятрус магнітудай 5,8, які стаў адным з найбуйнейшых у рэгіёне.
Геолагі прааналізавалі дадзеныя сейсмометраў, размешчаных на глыбіні паблізу крыніцы сейсмічнай актыўнасці. Аказалася, што глыбока, пад дном, знаходзіцца буйная магматычная камера, у якой змяшчаецца каля пяці кубічных кіламетраў магмы. Гул звязаны з выхадам магмы з камеры, у выніку чаго адбываецца апусканне зямной кары. Вядома, што за апошні год Маёта апусцілася на 13 сантыметраў.
Каментары