Miascovy sacyjalny fond «Dobra» pieradaŭ piaci navučalnym ustanovam Biełarusi arhany. Kuplu muzyčnych instrumientaŭ prafinansavaŭ Juryj Zisier, piša Tut.by.
Dva arhany adpravilisia ŭ Pinsk — instrumienty atrymali haradski kaledž i dziciačaja škoła mastactvaŭ. Astatnija byli pieradadzienyja ŭ profilnyja navučalnyja ŭstanovy stalicy.
U Pinskaj dziciačaj škole mastactvaŭ, dziakujučy padoranamu arhanu, płanujecca pačać navučańnie pa adpaviednaj śpiecyjalnaści.
Akramia taho, Juryj Zisier uziaŭ na siabie častku vydatkaŭ pa arhanizacyi fiestyvalu arhannaj muzyki Mater Misericordiae pamiaci kardynała Kazimira Śviontka, jaki adkryjecca ŭ stalicy Paleśsia 25 maja i źbiare kala 30 vykanaŭcaŭ i muzyčnych kalektyvaŭ ź Biełarusi, Ukrainy, Polščy i Rasii.
Hości fiestyvalu zmohuć atrymać asałodu ad hučańnia adnaho z najstarejšych arhanaŭ krainy, jaki pabudavali ŭ 1836 hodzie. Sioleta skončyłasia jaho restaŭracyja, jakuju padtrymaŭ Juryj Zisier. Pracy biazvypłatna pravodziŭ aŭtar encykłapiedyi «Arhany Biełarusi» Alaksandr Burdzialoŭ, jaki, darečy, staŭ kiraŭnikom fiestyvalu.
Kamientary