Amierykanskija navukoŭcy zajavili, što vakcyna suprać raku pracuje
Navukoŭcy z amierykanskich univiersitetaŭ Džefiersana zajavili, što jany raspracavali «vakcynu» ad raku toŭstaj kiški. Jany zajavili, što stvaryli vakcynu, jakaja «navučyć» vyrazna i dakładna nakiroŭvać imunitet chvoraha čałavieka na pošuk i źniščeńnie rakavych kletak, paviedamlaje currenttime.tv.
U kliničnym ekśpierymiencie pryniali ŭdzieł dziesiać pacyjentaŭ z rakam toŭstaj kiški pieršaj i druhoj stadyj va ŭzroście 40-80 hadoŭ. Kožnamu ŭdzielniku zrabili adnu pryščepku adnarazova. Va ŭsich dziesiaci ankachvorych byli chirurhična vydalenyja navatvory ŭ halinie toŭstaha kišečnika i pramoj kiški. Nichto ź ich nie prachodziŭ chimija i pramianiovuju terapiju.
Ciaham 6 miesiacaŭ navukoŭcy trojčy pravodzili imunałahičny analiz kryvi.
Va ŭsich dziesiaci pacyjentaŭ u vyniku vakcynacyi nie vyjavili jakich-niebudź surjoznych pabočnych efiektaŭ i ŭskładnieńniaŭ, a imunamarkiery kryvi pakazali, što vakcyna aktyvavała śpiecyfičnyja supraćpuchlinnyja imunnyja kletki.
Ciapier navukoŭcy rychtujucca da druhoha etapu daśledavańnia, kab madyfikavać vakcynu i zrabić jaje jašče bolš efiektyŭnaj.
Zachvorvańnie na rak toŭstaj kiški źjaŭlajecca trecim siarod najbolš raspaŭsiudžanych u śviecie. U 2018 hodzie zarehistravali bolš za 1,8 młn novych vypadkaŭ zachvorvańnia. Mienavita hety typ raka źjaŭlajecca pryčynaj śmierci bolš čym u 51 tysiačy amierykancaŭ štohod.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary