Rasijski apazicyjanier Alaksiej Navalny zapytaŭ zapisy ź videakamier śpiecpryjomnika, u jakim adbyvaje administracyjny aryšt za paŭtornaje parušeńnie praviłaŭ praviadzieńnia mitynhu. Napiaredadni jaho špitalizavali z padazreńniem na vostruju alerhičnuju reakcyju.
U paniadziełak udzień jaho vypisali i adpravili nazad u specpryjomnik, niahledziačy na pratesty lekara.
«U mianie nikoli nie było alerhii. Ni na ježu, ni na pyłok, ni na što inšaje», - havorycca ŭ zajavie Navalnoho, apublikavanaj na jaho sajcie.
Pavodle jaho słoŭ, spačatku ŭ jaho źjaviłasia pačyrvanieńnie na skury i śvierb. Paźniej źjaviŭsia mocny aciok.
U balnicy, jak piša Navalny, admaŭlalisia paviedamić dyjahnaz jaho advakatam i znajomym daktaram.
«Nu heta značyć pavodziać siabie tak, jak byccam treba niešta schavać na ŭsialaki vypadak. Navošta? Nie razumieju», - havorycca ŭ poście Navalnoho, jakoje maje nazvu «Vielmi dziŭnyja spravy»
Jon nie vieryć, što atrucić jaho mahli palicyjanty ź śpiecpryjomnika: «Jany byli šakavanyja maim vyhladam i tym, što adbyvajecca bolš za mianie».
«Tut ŭsiudy kamiery, my zapytali ich aficyjna. Patrebny tyja momanty, kali ŭsich vyvodzili na špacyr abo zvanki. Kali ŭ hety čas u kamieru zachodzili niejkija ludzi, to viersija z atručvańniem stanovicca vielmi važkaj. Kali nie, to ŭzrastaje siła viersii z unikalnym miedycynskim vypadkam. Kali-niebudź jaho nazavuć «adnarazovaja vostraja alerhičnaja reakcyja Navalnaha», - iranizuje apazicyjanier.
Navalnaha adpravili ŭ śpiecpryjomnik z dyjahnazam «kantaktny dermatyt»
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary