U Litvie zasnavana hramadskaje ab`iadnańnie «Kulturny centr imia Jakuba Kołasa ŭ Vilni», paviedamiŭ BiełaPAN dyrektar centra, staršynia hramadskaha ab`iadnańnia «Tavarystva biełaruskaj kultury ŭ Litvie» Chviedar Niuńka.
Pavodle jaho słoŭ, budynak centra budzie ŭźviedzieny na paŭnočnym uschodzie Vilni ŭ histaryčnym rajonie Pavilnius (byłaja nazva — Kałonija),
dzie znachodziŭsia dom žonki narodnaha paeta Biełarusi Jakuba Kołasa Maryi Dźmitryjeŭny Kamienskaj,jaki byŭ źniesieny paśla Druhoj suśvietnaj vajny. «Bolšaja častka ziamielnaha ŭčastka płoščaj kala 50 sotak, na jakim stajaŭ dom, razyšłasia siarod pryvatnych zabudoŭščykaŭ, a astatak — 15 sotak — znachodicca ŭ dziaržaŭnaj ułasnaści», — adznačyŭ Ch.Niuńka.
Pavodle jaho słoŭ, bolš čym 20 hod jon, jak kiraŭnik Tavarystva biełaruskaj kultury ŭ Litvie, dabivaŭsia pieradačy hetaha nadzieła hramadskamu ab`iadnańniu. Dziela hetaha spačatku była ŭtvorana ŭstanova «Muziej Jakuba Kołasa», zatym zrobleny detalovy płan učastka i narešcie padpisana damova pamiž tavarystvam i meram Vilni ab zasnavańni Kulturnaha centra imia Jakuba Kołasa ŭ Vilni. Pryčym, zhodna z damovaj, zasnavalniki centra vystupajuć jak zabudoŭščyki ziamielnaha nadzieła. 9 lutaha spadar Niuńka atrymaŭ piačatku centra i jaho raźlikovy bankaŭski rachunak.
Staršynia Tavarystva biełaruskaj kultury ŭ Litvie ličyć, što sprava ŭ asnoŭnym zroblena, bo zastałosia skłaści kadastravy płan učastka. «Hałoŭnaja prablema — znajści fundatara na Biełarusi, jaki na ŭzajemavyhadnych umovach voźmie na siabie finansavańnie ŭźviadzieńnia budynka centra i arhanizacyi jaho pracy», — padkreśliŭ Ch.Niuńka.
Usich, chto zacikaviŭsia prajektam, kiraŭnik Tavarystva biełaruskaj kultury ŭ Litvie zaprašaje źviartacca pa telefonach u Vilni: 8‑10‑370‑52‑72‑55‑95 i 8‑10‑370‑606‑55‑700.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska2
Kamientary