Kala 11 ranicy 27 śniežnia na ŭskrajku Žłobina zatrymali błohiera Siarhieja Cichanoŭskaha (Youtube-kanał «Strana dla žiźni»). Błohier jechaŭ na zdymki ŭ Minsk pa šašy M5. Niepadalok ad Žłobina jaho spynili supracoŭniki DAI, piša Radyjo Svaboda.
«Spynili supracoŭniki DAI, padjechali niejkija supracoŭniki milicyi ŭ cyvilnym, pryčapilisia, što byccam aŭtamabil, na jakim my jechali ŭ Minsk, skradzieny, — raskazaŭ błohier. — Patelefanavali haspadaru aŭtamabila — usie dakumienty ŭ paradku. Pryjechała śledčaja hrupa, prapanavali mnie jechać u Žłobin, kab pravieści ahlad aŭtamabila. Ja admoviŭsia — ahlad možna na miescy pravieści».
Potym jaho zatrymali supracoŭniki milicyi i źvieźli biez daj pryčyny. Pavodle adnych źviestak — u Žłobinski RAUS, pavodle inšych — u adzin z homielskich.
«Dumaju, što hetaje zatrymańnie źviazana z tym, što ja zdymaŭ akcyi za niezaležnaść, jakija prachodzili ŭ śniežni ŭ Minsku», — kazaŭ jon.
Na pytańnie apieratara «Kudy viazuć błohiera?» milicyjant adkazaŭ: «Ja vam nie abaviazany davać spravazdaču».
Žyvy efir paśla jahonaha zatrymańnia pravodziŭ aperatar. Jon zastaŭsia z aŭtamabilem na šašy. Raptam vyjaviłasia, što aŭtamabil užo nie cikavić supracoŭnikaŭ milicyi i DAI.
Jak stała viadoma paśla, Cichanoŭskaha pavieźli ŭ sud Savieckaha rajonu Homiela.
Raniej fotkaŭsia z Sabčak, ciapier — ź Sieviaryncam. Chto taki palityčny błohier Siarhiej Cichanoŭski?
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary