DAI palepšyła samy niebiaśpiečny piešachodny pierachod Biełarusi FOTY
Na vyjeździe ź Minska ŭ bok Bresta, litaralna za 500 mietraŭ ad MKAD, jość piešachodny pierachod bieź śviatłafora.
Jaho možna ličyć samym niebiaśpiečnym u krainie dziakujučy spałučeńniu adrazu niekalkich faktaraŭ.
Piešachodu davodzicca pierachodzić (u realnaści pierabiahać) pa dzieviać (!) pałos. Farmalna jon maje pieravahu, i ŭ vypadku avaryi budzie mieć racyju, ale našto jamu racyja na tym śviecie?
Jedučy ŭ Minsk, kiroŭcy doŭhi čas mahli prytrymlivacca dazvolenaj chutkaści 120 km/h, a pierad pierachodam musili zatarmazić da 70 km/h, kab nie atrymać «list ščaścia» ad ustalavanaj kamiery.
Ale hałoŭnaje, što na raździalalnaj pałasie stajała pustaja budka, u jakoj niekali znachodziŭsia post DAI. Heta zbudavańnie zakryvała piešachoda ad kiroŭcy da apošniaha imhnieńnia. Ale kali raptam piešachod źjaŭlaŭsia na darozie (ci, chutčej, z-za budynku vyhladvała jaho hałava), kiroŭcu treba było spynicca ŭ nul.
Čytačy «Našaj Nivy» źviarnuli ŭvahu, što niadaŭna adzin z faktaraŭ niebiaśpieki prapaŭ. Hetuju samuju budku narešcie demantavali. Piešachodaŭ prynamsi stała vidać.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary