Kreml: Ideja prapisać u papraŭkach u Kanstytucyju prava rehijonaŭ Biełarusi dałučycca da Rasii nie abmiarkoŭvajecca
Pra heta zajaviŭ pres-sakratar prezidenta Rasii Dźmitryj Piaskoŭ, kamientujučy infarmacyju ŭ šerahu ŚMI, što adzin z udzielnikaŭ rabočaj hrupy pa padrychtoŭcy papravak u Kanstytucyju RF nibyta prapanavaŭ praduhledzieć takoje prava, piša TASS.
«Ja nie čuŭ pra hetyja prapanovy, tamu ničoha nie mahu skazać. Ja nie čuŭ, jak heta farmulujecca. U cełym heta nijak nidzie nie abmiarkoŭvałasia da hetaha času. Ja pieršy raz čuju pra heta», — skazaŭ Piaskoŭ.
Uładzimir Pucin 15 studzienia padpisaŭ rasparadžeńnie ab stvareńni rabočaj hrupy pa padrychtoŭcy papravak u Kanstytucyju RF i zaćvierdziŭ skład jaje ŭdzielnikaŭ. U hrupu ŭvajšli 75 palitykaŭ, zakanadaŭcaŭ, navukoŭcaŭ i hramadskich dziejačaŭ, a jaje sustaršyniami stali kiraŭnik kamiteta Rady Fiederacyi pa kanstytucyjnym zakanadaŭstvie i dziaržaŭnym budaŭnictvie Andrej Klišas, kiraŭnik kamiteta Dziarždumy pa dziaržbudaŭnictvie i zakanadaŭstvie Pavieł Krašanińnikaŭ, a taksama dyrektar Instytuta zakanadaŭstva i paraŭnalnaha pravaznaŭstva pry ŭradzie RF Talija Chabryjeva.
Kamientary