«Jany — exit, a my — enter». Zialenski prapanavaŭ uziać Ukrainu ŭ ES zamiest Brytanii
Prezident Ukrainy Uładzimir Zialenski zajaviŭ, što dla Ukrainy ciapier — vielmi zručny momant dla ŭstupleńnia ŭ Jeŭrapiejski Sajuz paśla vychadu Vialikabrytanii z błoka, paviedamlaje Jevropiejśka pravda.
Pra heta jon zajaviŭ padčas svajho vystupu na Suśvietnym ekanamičnym forumie ŭ Davosie.
«My bačym svaju budučyniu ŭ ES. Što pavinien zrabić ES? Prosta ŭziać Ukrainu ŭ ES, heta vielmi składanyja rečy, choć heta vielmi prostyja rašeńni. My padpisali pahadnieńnie ab asacyjacyi, my padtrymlivajem kurs u ES, ale my pavinny razumieć, što nie tolki Ukraina pavinna i choča ŭ ES. Mnohija krainy ES nas padtrymlivajuć i bačać budučyniu Ukrainy ŭ ES pobač z saboj, jak raŭnapraŭnaha partniora. Ale Jeŭrapiejski Sajuz, niekatoryja krainy ES, taksama pavinny chacieć pryciahnuć Ukrainu ŭ ES», — skazaŭ Zialenski.
«Pytańnie nie ŭ tym, kali my budziem u ES. Pytańnie — jaki status budzie ŭ Ukrainy ŭ ES, jakoje budzie staŭleńnie da našaj krainy. Staŭleńnie jak da mahutnaha hulca, jak da krainy, jakuju pavažajuć, abo na jakuju hladziać źvierchu ŭniz? I mnie zdajecca, što ciapier vielmi zručny momant. Adna vialikaja kraina zrabiła exit, mahčyma dla Ukrainy pryjšoŭ čas zrabić enter», — dadaŭ ukrainski prezident.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary