U «cukrovaj spravie», u ramkach jakoj zatrymana načalstva ŭsich čatyroch biełaruskich cukrovych kambinataŭ, jość i inšyja imiony.
Zatrymańni adbylisia na ŭsich čatyroch cukravarniach Biełarusi, ale apieracyja hetym nie abmiežavałasia. Zakranutyja jašče niekalki ŭpłyvovych struktur.
Za apošnija dni źnikła jašče i načalstva Biełaruskaj cukrovaj kampanii, jakaja reprezientuje intaresy ŭsich biełaruskich cukrovych kambinataŭ na rasijskim rynku.
Hetuju kampaniju ŭznačalvaje Dźmitryj Kiryłaŭ. Sa słovaŭ maskoŭskaj sakratarki, jon u kamandziroŭcy.
Taksama «źnik» plamieńnik zatrymanaha dyrektara Haradziejskaha cukrovaha kambinata Siarhiej Kryštapovič, jaki niekali ŭznačalvaŭ chołdynh «Miasamałpram».
Čytajcie: Krynicy: Zatrymanyja dyrektary ŭsich čatyroch cukrovych zavodaŭ Biełarusi
Nahadajem, što z rejsa Minsk — Miunchien, jaki pasadzili ŭ Hrodnie, źniali dyrektara Haradziejskaha cukrovaha kambinata Michaiła Kryštapoviča.
Pasažyry samalota kazali, što ŭ sałonie nibyta ahučvałasia proźvišča «Rudnik». Adnak, jak vyjaviłasia, havorka išła pra Prudnika. Mikałaj Prudnik — dyrektar Słuckaha cukrarafinadnaha kambinata.
Vidavočcy raspaviali žurnalistam SlutskGorod, što ŭ domie dyrektara zavoda ŭ subotu prajšoŭ pieratrus. Mabilny telefon Prudnika siońnia niedastupny, na pradpryjemstvie adkazvajuć: ab zatrymańni kiraŭnika ničoha nie viadoma.
Padobnaja situacyja i ź jašče adnym cukrovym zavodam, u Žabincy. «Virtualny Brest» paviedamiŭ pra zatrymańnie jaho dyrektara Viktara Mironava.
Błohier Niechta śćviardžaje, što zatrymany i dyrektar čaćviortaha, Skidzielskaha kambinata. U pryjomnaj pradpryjemstva karespandentu «Našaj Nivy» paviedamili, što Dźmitryja Jahorava na pracy niama.
-
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»
-
Nasta Daškievič raspaviała pra dzień śmierci Alesia Puškina — «dzień, kali ŭ Biełarusi bol pamnožyŭsia na bol»
-
Łukašenka: U Biełarusi treba nastojliva pierachodzić na aciapleńnie pieletami, haz — tolki jak rezierv
Kamientary