Žančyna z Paŭdniovaj Karei sustrełasia z pamierłaj dačkoj dziakujučy VR-technałohii. Kranalnaje VIDEA
Žycharka Paŭdniovaj Karei Džanh Džy Sun sustrełasia z dačkoj Najon, jakaja pamierła try hady tamu, dziakujučy VR-technałohii. Pra heta piša karejskaje vydańnie Aju Business Daily.
Siamihadovaja Najon pamierła ŭ 2016 hodzie ad nievylečnaj chvaroby. U pačatku lutaha na karejskim telekanale MBC vyjšaŭ dakumientalny film «Ja sustreła ciabie», u jakim Džy Sun sustrakajecca z pamierłaj dačkoj, adnoŭlenaj u virtualnaj realnaści.
Na vytvorčaść filma syšło vosiem miesiacaŭ. Dla stvareńnia trochmiernaj madeli Najon była vykarystanaja technałohija zachopu ruchu — raspracoŭščyki zapisali ruchi dziciaci-akciora, jakoje stała pratatypam ličbavaha vobraza dziaŭčynki.
Corée du sud: Jang Ji-sung a perdu sa fille d'une maladie incurable en 2016. Trois ans plus tard en 2020, Jang fait l'expérience de la réalité virtuelle avec sa fille décédée - créée pour un documentaire sur la puissance de la réalité virtuelle et diffusé à la télévision coréenne pic.twitter.com/EEnXOutkRX
Kab ubačyć dačku, žančynie treba było nadzieć VR-harnituru i taktylnyja palčatki. Astatnija členy siamji nazirali za tym, što adbyvajecca na ekranie.
Pry sustrečy ź dziaŭčynkaj Džy Sun raspłakałasia. Dziakujučy VR-technałohii jana zmahła pahavaryć z dačkoj, pahulać pa jaje lubimym parku, patrymacca za ruki i adśviatkavać dzień naradžeńnia dziaŭčynki.
«Napeŭna, heta i jość raj. Ja sustrełasia z Najon, jakaja ŭśmichnułasia mnie, chaj i nienadoŭha, ale ja była vielmi ščaślivaja. Mnie zdajecca, heta była mara, jakuju ja zaŭsiody chacieła ažyćciavić», — skazała žančyna.
Kamientary