Biełaruś praciahnie zakupać naftu ŭ inšych krainach, navat kali jana budzie daražejšaj za rasijskuju. Pra heta Alaksandr Łukašenka zajaviŭ siońnia na sustrečy z kalektyvam Śvietłahorskaha CKK, piša BiełTA.
Padčas pieramoŭ u Sočy Uładzimir Pucin zasumniavaŭsia, što biełaruski bok praciahnie kuplać naftu ŭ inšych krainach. «Navošta vy budziecie heta rabić, kali jana ŭsio roŭna daražej za rasijskuju?» — spytaŭ jon.
Alaksandr Łukašenka zajaviŭ, što Biełaruś praciahnie dyviersifikavać zakupki. «Kab kožny hod 31 śniežnia nie stajać na kaleniach», — rastłumačyŭ kiraŭnik dziaržavy.
Taksama jon dadaŭ, što Biełaruś i Rasija nie abmiarkoŭvajuć stvareńnie nadnacyjanalnych orhanaŭ, ale praca pa darožnych kartach praciahniecca.
«My budziem i dalej pracavać pa intehracyi. U hetym niama ničoha drennaha», — skazaŭ Alaksandr Łukašenka. Pavodle jaho słoŭ, stvareńnie nadnacyjanalnych orhanaŭ i inšych abjadnańniaŭ, što było praduhledžana 31-j darožnaj kartaj, baki damovilisia nie abmiarkoŭvać. «Čysta ekanamičnyja pytańni pa intehracyi», — rastłumačyŭ jon.
Łukašenka: U Rasii namiakajuć na dałučeńnie Biełarusi ŭ abmien na adzinyja ceny na enierhanośbity
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary