Pravaabaroncy pryznali anarchistaŭ Mikitu Jemialjanava i Ivana Komara, asudžanych na siem hadoŭ kałonii, palitviaźniami i patrabujuć pierahladu prysudu.
U adpaviednaści z artykułam 7 Mižnarodnaha Pakta ab hramadzianskich i palityčnych pravach, nichto nie pavinien padviarhacca katavańniam abo žorstkamu, biesčałaviečnamu abo źnievažalnamu dla jaho hodnaści abychodžańniu abo pakarańniu, havorycca ŭ zajavie.
«Dapuščalnyja abmiežavańni svabody vykazvańnia mierkavańniaŭ, ustanoŭlenyja dla achovy hramadskaha paradku, pavinny być praparcyjnymi i nie vychodzić za nieabchodnyja miežy. Supraćpraŭnaje vykarystańnie haručaj sumiesi, paškodžańnie majomaści moža i pavinna pieraśledvacca pa zakonie, adnak pakarańnie za hetyja parušeńni nie pavinna być praźmiernym i niepraparcyjnym», — havorycca ŭ zajavie.
U parušeńnie nazvanych pravoŭ Mikita Jemialjanaŭ byŭ asudžany da praźmierna žorstkaha pakarańnia, jakoje źjaŭlajecca vidavočna niepraparcyjnym zroblenamu.
Ivan Komar taksama byŭ pakarany praźmierna žorstka, niepraparcyjna pastaŭlennym u vinu dziejańniam.
«Z ulikam ciažkaści nastupstvaŭ zroblenaha, nastupnych pavodzin i danych pra asobu abvinavačanych, mielisia padstavy prymianieńnia da Jemialjanava i Komara mieraŭ kryminalnaj adkaznaści, nie źviazanych z pazbaŭleńniem voli, praduhledžanych sankcyjami adpaviednych artykułaŭ Kryminalnaha kodeksa», — adznačajuć pravaabaroncy.
Usio vykładzienaje moža śviedčyć ab niepraparcyjnym pakarańni Mikity Jemialjanava i Ivana Komara ŭ suviazi ź ich pohladami i pierakanańniami.
Pravaabaroncy ličać nieabchodnym patrabavać dla Mikity Jemialjanava i Ivana Komara nieadkładnaha pierahladu prysudu pry zachavańni prava na spraviadlivaje sudovaje raźbiralnictva i likvidacyi pieraličanych parušeńniaŭ.
Sumiesnuju zajavu padpisali pravaabarončy centr «Viasna», Biełaruski Chielsinkski kamitet, Biełaruski dakumientacyjny centr, Pravavaja inicyjatyva, Chjuman Kanstanta, pravaabarončaja inicyjatyŭnaja hrupa «Identyčnaść i prava», centr pravavoj transfarmacyi «Lawtrend».
Anarchistam Jemialjanavu i Komaru dali pa 7 hadoŭ kałonii ŭzmocnienaha režymu za akcyi la budynkaŭ suda i SIZA ŭ Minsku
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary