Pucin: My źbirajemsia stvaryć umovy, kab nichto nie dumaŭ z nami vajavać
My nie źbirajemsia ni z kim vajavać. My źbirajemsia stvaryć umovy dla taho, kab nichto nie dumaŭ z nami vajavać, zajaviŭ prezident Rasii Uładzimir Pucin u intervju TASS.
Pucin zajaviŭ, što na siońniašni dzień pa vydatkach na armiju Rasija znachodzicca na siomym miescy. Abahnali Rasiju ŭ hetym pytańni, pavodle jaho słoŭ, ZŠA, Kitaj, Siryja, Vialikabrytanija, Francyja, Japonija.
— Nas abahnali ZŠA, mnie voś Donald skazaŭ, u ich varjacki biudžet pryniaty na nastupny hod, 738, pa-mojmu, miljardaŭ, — raspavioŭ Pucin, adznačyŭšy, što prezident ZŠA sa škadavańniem skazaŭ pra heta. — Skazaŭ, zanadta vialikija vydatki. Vymušany heta rabić. Jon naohuł prychilnik razzbrajeńnia, jak jon kaža.
Pucin zajaviŭ, što vydatki RF na ŭzbrajeńnie z hodu ŭ hod skaračajucca, a ŭ inšych krain rastuć.
— My ni z kim nie źbirajemsia vajavać, ale my stvarajem takuju situacyju ŭ śfiery abarony, kab nikomu ŭ hałavu nie pryjšło vajavać z nami.
Prezident adznačyŭ, što Rasija zaŭsiody pa stratehičnaj zbroi dahaniała «ŭmoŭnych kankurentaŭ», a ciapier «stvaryła takija sistemy ŭdarnaj nastupalnaj zbroi, jakich niama ŭ śviecie».
Kamientary