Pra mahčymaść uviadzieńnia abmiežavańnia na znachodžańnie niapoŭnahadovych u viačerni i načny čas u hramadskich miescach biez baćkoŭ užo možna pačuć razmovy na vulicach horada. Ludziej chvaluje pytańnie, ci budzie pryniaty zakon ab adkaznasci baćkoŭ?
Pakul što pytańnie, źviazanaje z mahčymaściu ŭviadzieńnia adkaznasci baćkoŭ za znachodžańnie ich dziaciej u načny čas u hramadskich miescach biez nahladu, znachodzicca na stadyi raspracoŭki, paviedamili ŭ Hienieralnaj prakuratury.
— Da raspracoŭki hetaha pytańnia nas padšturchnuła tryvožnaja statystyka, — adznačyŭ načalnik adździeła pa spravach niapoŭnahadovych i moładzi Hienieralnaj prakuratury Biełarusi Valeryj IVANOŬ. — Letaś amal 500 niapoŭnahadovych u ciomny čas sutak stali achviarami złačynstvaŭ jak adnahodkaŭ, tak i darosłych złačyncaŭ.
Adsiul vynikaje vostraja nieabchodnaść abaranić dziaciej ad pravaparušeńniaŭ, jakija ździajśniajucca ŭ načny čas.
— Aktyŭna vyvučajem vopyt inšych krain u hetaj śfiery, — paviedamiŭ Valeryj Ryhoravič. — Naprykład, u 2003 hodzie ŭ Hiermanii byŭ pryniaty Zakon «Ab achovie moładzi». Jon nie dazvalaje dzieciam i padletkam va ŭzroście da 18 hadoŭ znachodžańnie ŭ miescach hramadskaha charčavańnia, a taksama ŭdzielničać u hramadskich tancavalnych mierapryjemstvach biez supravadžeńnia darosłaj asoby z 24.00 da 5.00.
Taksama ŭ 12 subjektach Rasijskaj Fiederacyi raniej byli pryniaty ŭłasnyja ekśpierymientalnyja padobnyja zakony. Praktyka pakazała, što złačynnaść siarod niapoŭnahadovych u hetych rehijonach istotna zniziłasia.
— Uličvajučy ŭsio heta, — adznačyŭ Valeryj Ivanoŭ, —
my zaraz razhladajem pytańnie ab mahčymasci ŭniasieńnia ŭ Zakon RB «Ab pravach dziciaci» dapaŭnieńnia, zhodna ź jakim dzicia da 14 hadoŭ moža znachodzicca ŭ načny čas u hramadskich miescach tolki ŭ supravadženni baćkoŭci inšych zakonnych pradstaŭnikoŭ, poŭnahadovych svajakoŭ, sacyjalnych piedahohaŭ škoł, kłasnych kiraŭnikoŭ. Pad hramadskimi miescami razumiejem punkty hramadskaha charčavańnia, zabaŭ, usie vidy transpartu ahulnaha karystańnia, vulicy, stadyjony, vakzały, aeraporty, skviery, parki. Pakul płanujem abmiežavać znachodžańnie dziaciej da 14 hadoŭ u hramadskich miescach biez supravadžeńnia darosłych z 22.00 da 6.00. U Ministerstvie adukacyi pierakanali, što praca ŭsich siekcyj, hurtkoŭ zakančvajecca da dzieviaci hadzin viečara. Mnie zdajecca, što hadziny budzie dastatkova, kab dziciaci dabracca dadomu.
Jość dumki, što mierkavany Zakon nie budzie abaviazkovym dla ŭsich rehijonaŭ. Bo kryminalnaja situacyja rezka adroznivajecca ŭ mnohich haradach i rajonach. Naprykład, u Babrujsku kaeficyjent złačynnasci niapoŭnahadovych va ŭzroście ad 14 da 18 hadoŭ amal u try razy bolšy, čym u Žodzinie.
— U administracyjny kodeks płanujem uniesci normu ab adkaznasci baćkoŭ za znachodžańnie ich dziaciej u načny čas u hramadskich miescach, —padkresliŭ Valeryj Ivanoŭ. — Akramia taho, da adkaznasci buduć pryciahvacca indyvidualnyja pradprymalniki i jurydyčnyja asoby śfiery hramadskaha charčavańnia i zabaŭ, dzie apynucca padletki ŭ zabaronieny čas. Chutčej za ŭsio ŭ dačynienni ŭsich vyšej zhadanych asobaŭ buduć prymianiacca takija vidy administracyjnaj adkaznasci, jak papiaredžańnie, a za złosnaje parušeńnie — štraf.
Vyjaŭlać ža takich bieznahladnych padletkaŭ budzie milicyja.
— Ale ni masavych abłaŭ na dziaciej da 14 hadoŭ, jakija buduć znachodzicca ŭ zabaronieny čas u hramadskim miescy, ni «kamiendanckaj hadziny»ŭ maštabach usioj krainy mierkavanyja źmianienni ŭ zakanadaŭstvie nie praduhledžvajuć, — adznačyŭ pradstaŭnik Hienprakuratury.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ48
Kamientary