Čarhovy rebus: kolki vypadkaŭ karanavirusa ŭ Mahiloŭskaj vobłaści?
Na siońniašni dzień situacyja z karanavirusnaj infiekcyjaj u Mahiloŭskaj vobłaści zastajecca stabilnaj.
Pra heta paviedamiŭ načalnik hałoŭnaha ŭpraŭleńnia pa achovie zdaroŭja Mahiloŭskaha abłvykankama Alaksandr Staravojtaŭ, paviedamlajuć mogilevnews.by.
Piać pacyjentaŭ ačuniali i vypisanyja sa špitalaŭ dadomu. Pastupova dadajucca novyja chvoryja. U asnoŭnym heta kantakty pieršaha i druhoha uzroŭniaŭ, jakija naziralisia da hetaha.
— Jość i infikavanyja miedrabotniki, choć u ich, na ščaście, dadzienaje zachvorvańnie praciakaje ŭ lohkaj formie, — padkreśliŭ surazmoŭca. Jon dadaŭ, što tendencyja siońniašniaha dnia — heta ŭžo nie špitalizacyja usich kantaktaŭ u stacyjanary, a, pry mahčymaści, ich samaizalacyja.
— Pakidajem ludziej doma, a kantrol za ich stanam viaduć arhanizavanyja va ŭsich ambułatorna-palikliničnych ustanovach mabilnyja hrupy, — raspavioŭ Alaksandr Staravojtaŭ. — Jany praviarajuć tempieraturu, puls, nasyčanaść arteryjalnaj kryvi kisłarodam. Dla hetych metaŭ niadaŭna Mahiloŭskaja vobłaść atrymała 600 pulsaksimietraŭ, niamała pastupiła srodkaŭ indyvidualnaj abarony — masak, kaściumaŭ.
Apošnija źviestki pa Mahiloŭskaj vobłaści ahučvaŭ Uładzimir Karanik: tady było 217 chvorych na karanavirus.
Były ministr kultury Rusłan Čarniecki znajšoŭ sabie padpracoŭku9
Kamientary