Liturhija Niadzieli raspačynajecca na svitanni ŭračystaj pracesijaj z Najśviaciejšym Sakramientam vakoł śviatyni, paśla čaho słužycca ŭračystaja śviataja Imša.
Siońnia ŭ katalickim kalendary — Vialiki čaćvier.
Zakončyŭsia pieryjad Vialikaha postu, i pačaŭsia Paschalny Tryduum (try dni), jaki praciahniecca ŭ Vialikuju piatnicu i Vialikuju subotu, a jaho najbolš značnaj uračystaściu źjaŭlajecca Paschalnaja Vihilija (viečarovaje nabaženstva).
— Śviaty Paschalny Tryduum źjaŭlajecca centram usiaho liturhičnaha hoda, — kaža ksiondz Alaksandr Amialčenia.—
Hety pieryjad nazyvajuć taksama Tryduumam Chrysta ŭkryžavanaha, pachavanaha i ŭvaskrosłaha, bo jon nahadvaje tajamnicu Paschi, heta značyć pierachod Pana z hetaha śvietu ŭ dom Niabiesnaha Ajca. Praz ździajśnieńnie hetaj tajamnicy ŭ liturhičnych i sakramientalnych znakach Kaścioł unutrana jadnajecca z Chrystom.
Liturhija Vialikaha čaćviarha nahadvaje Apošniuju Viačeru,kali Jezus ustanaviŭ tainstva Eŭcharystyi. Na Imšy śpiavajecca himn «Chvała na vyšyniach Bohu», jaki nie hučaŭ na praciahu ŭsiaho Vialikaha postu. Padčas śpievu himna bjuć zvany, jakija paśla jaho zakančeńnia zmaŭkajuć, pakul hety himn nie zahučyć znoŭ padčas Paschalnaj Vihilii.
Pavodle tradycyi ŭ hety dzień adbyvajecca abrad abmyvańnia noh dvanaccaci mužčynam na ŭspamin taho, što Jezus pierad Apošniaj Viačeraj abmyŭ nohi svaim vučniam. Hety abrad simvalizuje słužeńnie i luboŭ Chrysta, jaki pryjšoŭ nie dziela taho, kab Jamu słužyli, ale dziela taho, kab słužyć inšym.
U druhoj pałovie dnia Vialikaj piatnicy adbyvajecca nabaženstva, centralnaj častkaj jakoha źjaŭlajecca ŭšanavańnie śviatoha Kryža.U Vialikuju subotu Kaścioł prabyvaje kala Truny Haspodniaj, razvažaje pra muku i śmierć Chrysta. U hety dzień nie słužycca śviataja Imša.
U noč z suboty na niadzielu pavodle najstaražytniejšaj tradycyi adbyvajecca čuvańnie (niaspańnie, łac. vihilija) na ŭšanavańnie Pana.
Adznačeńnie Paschalnaj Vihilii — heta ŭžo śviatkavańnie Vialikadnia.
— Vyklučnaje značeńnie ŭračystasci Paschi vynikaje z taho, što Uvaskresieńnie Chrysta ŭmacoŭvaje vieru i nadzieju čałavieka, a praź vielikodnyja sakramienty ździajśniajecca ŭdzieł Kaścioła ŭ tajamnicy Chrysta: my pamierli, byli pachavanyja i ŭvaskreśniem razam z Im, — tłumačyć ajciec Alaksandr. — Źmiest Paschalnaj Vihilii vielmi razvity i bahaty, jon ŭklučaje ŭ siabie ŭsiu historyju zbavieńnia.
Liturhija Niadzieli raspačynajecca na svitanni ŭračystaj pracesijaj z Najśviaciejšym Sakramientam vakoł śviatyni, paśla čaho słužycca ŭračystaja śviataja Imša.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?5
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary