Nie tolki dziela sustrečy z Patryjarcham Maskoŭskim Kiryłam Alaksandr Łukašenka lotaŭ u Maskvu.
Viečaram u piatnicu Alaksandr Łukašenka taki sustreŭsia z prezidentam Rasii Dźmitryjem Miadźviedzievym. Napiaredadni zajaŭlałasia, što biełaruski kiraŭnik lacić u Maskvu dziela sustrečy z Patryjarcham Maskoŭskim Kiryłam. Pra mahčymuju sustreču ź Miadźviedzievym ničoha nie paviedamlałasia.
Sustreča adbyvałasia nie ŭ Biełakamiennaj. Rasijski lider vyklikaŭ Łukašenku dla razmovy ŭ zaharadnuju rezidencyju «Horki». Heta ŭžo treciaja sustreča dvuch kiraŭnikoŭ ciaham miesiaca. Pieršaja adbyłasia ŭ Zavidava 19 sakavika, druhaja — u Sočy 21 sakavika. Ciapier voś adbyŭsia praciah.
Aficyjny sajt Dźmitryja Miadźviedzieva pra sustreču byŭ vielmi łakaničny:
«Kiraŭniki dziaržaŭ abmierkavali vyniki samita «Hrupy dvaccaci» i pytańni dvuchbakovych stasunkaŭ».Heta ŭsio.
Aficyjnaja BIEŁTA raśpisała krychu bolš. «Sustrečy kiraŭnikoŭ Rasii i Biełarusi dajuć impuls rašeńniu mnohich niavyznačanych pytańniaŭ. Našy sustrečy aktyvizujuć čynoŭnikaŭ, trymajuć ich u tonusie. Napiaredadni vyrašajucca mnohija pytańni, jakija zdavalisia niepieraadolnymi da sustrečy», — zajaviŭ Łukašenka.
Potym kiraŭnik Biełarusi padziakavaŭ Miadźviedzievu za toje, što jon znachodzić čas dla častych sustreč. «My blizkija ludzi, i było b hłupa nie sustrecca».
Miadźviedzieŭ ža sa svajho boku zaznačyŭ, što
«sustrakacca časta — heta dobra, heta aznačaje toje, što my zaŭsiody možam źvieryć hadzińnik pa mnohich pytańniach».A ŭ «prezidentaŭ zaŭsiody jość pytańni, pa jakich jość rezon paraicca, i my heta rehularna robim».
Varta adznačyć, što samymi balučymi pytańniami ŭ biełaruska‑rasijskich stasunkach źjaŭlajecca pryznańnie ci niepryznańnie našaj krainaj niezaležnaści Abchazii i Paŭdniovaj Asiecii, a taksama vydzialeńnie Biełarusi novych kredytaŭ. Najchutčej, što i ŭ Horkach zakranalisia hetyja temy.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary