Rasijskija turapieratary pačali admianiać lipieńskija tury za miažu
Rasijskija turapieratary z-za niavyznačanaści z datami źniaćcia uviedzienych z-za karanavirusa abmiežavańniaŭ mianiajuć svaje płany i admianiajuć tury z vyletami ŭ lipieni, piša RBK
Ab płanach admianić tury ŭžo paviedamili ANEX Tour, PEGAS Touristik, TEZ Tour, Coral Travel i «Inturyst», adnak pakul rašeńnie tyčycca nie ŭsich puciovak. «Inturyst» pakul anuluje zamiežnyja tury z datami vyletu da 16 lipienia. U kampanii adznačyli, što zabraniravanyja tury možna pieranieści biez dapłaty na lubyja inšyja daty ŭ hetym ci nastupnym hodzie.
ANEX Tour prapanavała klijentam pieranieści zabraniravanyja na lipień tury na žnivień-śniežań 2020 hoda, albo na 2021 hod. PEGAS Touristik daje mahčymaść zrabić heta z zachavańniem istotnych umoŭ padarožža (kirunak, hatel, košt pucioŭki, kolkaść dzion padarožža).
«Tury pieranosiać, tamu što niama nijakaj jasnaści z adnaŭleńniem mižnarodnych avijaznosin. Kali heta budzie, nichto nie viedaje. Adzinaje, što my čujem, — «zaležyć ad epidemijałahičnaj situacyi», — zajaviła RBK pres-sakratar Rasijskaha sajuza turindustryi Iryna Ciuryna.
Pa słovach Ciurynaj, akramia taho, inšyja krainy nie chočuć puskać rasiejcaŭ, pakolki Rasieja znachodzicca na trecim miescy ŭ śviecie pa kolkaści zaražanych COVID-19. «Naprykład, Tunis, jaki zaŭsiody vielmi dobrazyčliva staviŭsia da turystaŭ z Rasii, unios Rasiju ŭ čyrvony śpis», - adznačyła jana.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary