Valancin Stefanovič: Parušeńnie prezumpcyi nievinavataści śviedčyć pra palityčny charaktar pieraśledu Babaryki
Uviečary 9 lipienia na dziaržaŭnym telekanale ANT pakazali siužet, u jakim pakazali kadry vočnaj staŭki patencyjnaha kandydata na pasadu prezidenta Viktara Babaryki i jaho byłoha namieśnika ŭ banku Kiryła Badzieja. Pry hetym niejkich słoŭ ad Babaryki nie prahučała.
Pravaabaronca «Viasny» Valancin Stefanovič adznačaje, što siužet zrobleny vyklučna ŭ prapahandysckim klučy i kožnyja vybary hramadzianam pakazvajuć takoha kštałtu «kino».
«Takim ža byŭ u 2010 hodzie film «Žalezam pa škłu», a ŭ 2017 hodzie my bačyli siužet pra list ad fraŭ A. i «Bieły lehijon», u jakim demanstravalisia aŭtamaty ŭ bahažnikach aŭtamabilaŭ, hranaty. A ŭ vyniku spravu spynili za adsutnaściu składu kryminalnaha złačynstva», — kaža pravaabaronca.
Valancin Stefanovič uzhadvaje, što heta nie pieršy vypadak, kali na dziaržaŭnym telebačańni demanstrujucca materyjały śledstva. Byvali vypadki, kali pakazvali materyjały sa śledstva i śledčyja dziejańni, a sprava potym u sudovym pasiedžańni razhladałasia ŭ zakrytym režymie.
«My, pravaabaroncy, rasceńvajem takija siužety, jak parušeńnie pryncypaŭ spraviadlivaha sudovaha raźbiralnictva ŭ častcy taho, što prezumpcyja nievinavataści harantavanaja Kanstytucyjaj dla ŭsich hramadzianaŭ Biełarusi.
I z adnaho boku, z advakataŭ Viktara Babaryki byli ŭziatyja padpiski ab nierazhałošvańni materyjałaŭ śledstva i jany nie mohuć kamientavać chod śledstva i niejkim čynam prakamientavać toje, što było prademanstravana ŭ hetym filmie, a ź inšaha boku faktyčna, praź dziaržaŭnyja ŚMI ŭ abvinavaŭčym klučy razhałošvajucca hetyja samyja materyjały śledstva», — padkreślivaje juryst «Viasny».
Valancin Stefanovič nahadvaje, što parušeńnie pryncypaŭ spraviadlivaha sudovaha raźbiralnictva, jak raz taki i»śviedčyć pra palityčny charaktar pieraśledu Viktara Babaryki z boku ŭładaŭ i demanstruje ich realnyja matyvy, a mienavita: spynieńnie jahonaj publičnaj dziejnaści i realizacyi prava na kiravańnie svajoj krainaj praz udzieł u vybarach.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy1
Kamientary