Dastojnamu śviatarstvu i viernikam Biełaruskaje Aŭtakiefalnaje Pravasłaŭnaje Carkvy.
- «Vialik śviaty nam dzień nastaŭ…» (ź pieśni vałačobnikaŭ)
Sardečna vinšuju vas, darahija braty j siostry, ź vialikim śviatam Paschi Chrystovaje ! U hetym śviacie — sutnaść Chryścijanskaje viery, bo dziakujučy Chrystovamu Ŭvaskrasieńniu, my atrymali žyćcio viečnaje.
Śviaty Kiryła Turaŭski, Biełaruski Załatavusny, u svaim «…na Śviatuju Paschu…kazańni», piša : «Usie ž my vieraju Boskaje Paschi pryčaścilisia, namažam vusny Božaju kroŭju, što jość sutnaściu—duchoŭnamu domu dźviarmi, dy nie padstupiacca djabały, što chočuć nas zabić hrachom».
Achviaraju Chrysta byŭ pieramožany hrech i adnoŭleny ŭ čałavieku vobraz Božy, i heta, kali my adkidajem svaje zahany, daje nam moc u pieraadolva‑ńni ŭsialakich štodzionnych ciažkaściaŭ, vieru ŭ pieramohu dabra nad złom.
Tamu my pavinny pracavać nad duchoŭnym bahaćciem svaje dušy i zacho‑ŭvać jaje ŭ čyścini. Tady zmožam sapraŭdy ciešycca hetamu śviatu su‑polna z usim śvietam, bačnym i niabačnym, adčuć radaść jadnańnia z Boham, uhledzieć u Im krynicu praŭdy i svabody, jakija zbaviać nas.
Śviatkujučy hetaje śviata nad śviatami, my, jak i kaliści našyja dziady, dumajem i ab uvaskrasieńni Biełarusi,‑ adradžeńni jejnych duchoŭnych i dziaržaŭnych tradycyjaŭ, adnaŭleńni Biełaruskaha Pravasłaŭja.
U hety śvietły dzień Haspodniaje Paschi žadaju ŭsim bahalubnym vierni‑kam u Biełarusi i tym, chto žyvie na Čužynie, viery ŭ uvaskrasieńnie našaje dla budučaha nieziamnoha žyćcia, nadziei na lepšuju dolu svaje siamji i svajho narodu na našym ziamnym šlachu, i kab luboŭ našaja da Boha, ludziej i Baćkaŭščyny była ŭzajemnaj.
Dyk niachaj u Śviatoj Biełarusi zaŭsiody ŭ Vialikodnuju noč u bažnicach zvoniać uva ŭsie zvany, abviaščajučy ŭsiamu śvietu —
Chrystos Uvaskros ! Sapraŭdy Ŭvaskros !
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ48
Kamientary