Anaryna Ramancevič nie pamiataje padziejaŭ viečaryny ŭ adnakłaśnika
14‑hadovaja lidčanka maje retrahradnuju amnieziju. Nieviadoma, kali jana ŭspomnić, jak vypała z akna.
14‑hadovaja lidčanka maje retrahradnuju amnieziju. Nieviadoma, kali jana ŭspomnić, jak vypała z akna.Praz adsutnaść dokazaŭ hvałtu miascovaja prakuratura pieradała materyjały papiaredniaha rasśledavańnia ŭ milicyju.
Daktary kažuć, što stan Anaryny ciapier zdavalniajučy. U nahach jana adčuvaje balavyja simptomy.
Ad ciažkich traŭmaŭ i šoku ŭ dziaŭčyny retrahradnaja amniezija, — tłumačyć zaviedujučy dziciačaj chirurhijaj Jazep Bartaševič. —Jana nie pamiataje padziej, što adbyvalisia ŭ toj dzień. Z časam heta projdzie, ale, na al, nichto nie moža dakładna skazać, kali.
Paśla vychodnych Anarynu pieraviaduć u NDI traŭmatałohii i artapiedyi, što ŭ Minsku. Bolšaja častka vydatkaŭ na lačeńnie laža na plečy baćkoŭ dziaŭčyny.
Ciapier pravierku pravodzić inśpiekcyja pa spravach niepaŭnaletnich. Učora Jazep Ramancevič napisaŭ zajavu ŭ milicyju. Baćka Anaryny patrabuje, kab supracoŭniki RAUSu apytali žycharoŭ vulicy Rybinoŭskaha, jakija bačyli, jak padała z akna jaho dačka.
Abapirajučysia na pakazańni ŭdzielnikaŭ toj viečaryny, śledčy prakuratury Lidskaha rajona Siarhiej Sialaŭka, raspavioŭ, što pamiž dziaŭčynami adbyŭsia kanflikt. Siabry Anaryny śviedčyli, što jana była ŭ epicentry svarak. U dziaŭčyny zdaryŭsia psichičny zryŭ i jana skinułasia z akna. Pryčynu kanfliktu pamiž siabroŭkami sp. Sialaŭka patłumačyŭ tym, što dzieci ŭžyvali ałkahol.
Siońnia karespandentka NN naviedała Anarynu Ramancevič u adździaleńni chirurhii dziciačaha špitala Lidy.
Pakul ja razmaŭlała z baćkami, da Anaryny zajšła siabroŭka. Dziaŭčynki ŭśmichalisia i žvava pierašeptvalisia.
Da ciabie časta hości prychodziać?
Nie, nie vielmi. Adnakłaśniki, nastaŭnicy, znajomyja zachodziać. Cacki voś prynieśli, — Anaryna pakazała na miakkich misiaŭ kala svajoj poduški. — Raniej ŭ mianie tut i televizar byŭ. A čytać ležačy daktary zabaranili.
Što zaraz u škole tvajoj adbyvajecca? Što adnakłaśniki raskazvajuć?
Tam usio dobra. Ale nie chaču tudy. Chaču chutčej navučycca chadzić.
Ty pamiataješ, jak vy pra damaŭlalisia pra tuju viečarynu?
Nie, ničoha nie pamiataju. Tolki toje, što jany zvanili mnie, klikali. Ja spačatku nie chacieła iści, ale potym pahadziłasia.
Jak ty dumaješ, ty zmahła b sama skočyć ź piataha paviercha?
Nie! Nikoli! – admoŭna pakruciła hałavoj dziaŭčyna.
Dy jana ŭkołaŭ baicca! Jaki ž tut piaty pavierch! Takaja vyšynia!.. – u rospačy skazała maci Anaryny spn. Halina.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary