Rasijskija prankiery pazvanili kiraŭniku Jeŭraparłamienta ad imia Cichanoŭskaj i Naŭsiedy
Rasiejskija prankiery razyhrali kiraŭnika Jeŭrapiejskaha parłamienta Davida Sasoli, patelefanavaŭšy jamu ad imia Śviatłany Cichanoŭskaj i prezidenta Litvy Hitanasa Naŭsiedy. Aŭdyjozapis razmovy apublikavaŭ u YouTube prankier Alaksiej Stalaroŭ, viadomy jak Leksus.
Rolu Cichanoŭskaj vykanała dziaŭčyna-prankier. U razmovie Sasoli zajaviŭ, što Jeŭraparłamient vielmi zaniepakojeny situacyjaj u Biełarusi, a taksama spytaŭ, jak siabie adčuvaje eks-kandydat u prezidenty. Jon zaprasiŭ Cichanoŭskuju pryjechać u Jeŭraparłamient i paabiacaŭ abmierkavać mahčymaść takoha vizitu z kiraŭnikom Kamiteta pa źniešniaj palitycy Devidam Makalisteram.
Prankiery ad imia Cichanoŭskaj pacikavilisia, ci maje namier Jeŭraparłamient uvodzić sankcyi ŭ dačynieńni da Biełarusi i jakija mienavita.
U adkaz na heta Sasoli znoŭ zaprasiŭ Cichanoŭskuju na sustreču ŭ pačatku kastryčnika.
Ad imia Naŭsiedy prankier skazaŭ Sasoli, što nibyta ŭdałosia ŭstalavać nieaficyjnuju suviaź z premjeram Biełarusi Ramanam Hałoŭčankam, a va ŭradzie i parłamiencie mnohija padtrymlivajuć Cichanoŭskuju i čakajuć «zručnaha momantu, kali pazicyi Łukašenki kančatkova asłabnuć». Sasoli nazvaŭ heta «vielmi cikavaj infarmacyjaj».
Paźniej prankier Uładzimir Kuźniacoŭ, viadomy jak Vavan, raspavioŭ RIA Naviny, što ideja razyhrać kiraŭnika Jeŭraparłamienta pryjšła paśla paviedamleńnia ab padrychtoŭcy pakieta jeŭrapiejskich sankcyj suprać Biełarusi.
Prankier Vavan u 2014 hodzie razyhraŭ Łukašenku, pazvaniŭšy jamu ad imia syna zrynutaha prezidenta Ukrainy Viktara Janukoviča.
Fota na hałoŭnaj staroncy: Ukantakcie.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary