Biełaruś prajhrała ŭ niadzielu Čechii 0:3 i zaniała čaćviortaje miesca ŭ hrupie. Heta aznačaje, što našyja chakieisty zhulajuć u čverćfinale z čempijonami śvietu - 2008. Matč projdzie ŭ sieradu, 6 traŭnia. Pačatak u 17:15.
23:22
Čechi zakinuli dźvie šajby ŭ druhim pieryjadzie (vyznačylisia Piotr Čajaniek, pryčym biełarusy byli ŭ bolšaści, i Patryk Eliaš) i adnu ŭ trecim pieryjadzie (Čajaniek).
Turnirnaje stanovišča: Kanada — 12 (4 hulni), Finlandyja — 9 (4), Čechija — 9 (5), Biełaruś — 6 (5), Słavakija — 2 (4), Narviehija — 1 (4).
Takim čynam zbornaja Biełarusi z šaściu bałami zaniała 4-je i ŭ čverćfinale zhulaje sa zbornaj Rasii,
jakaja zaniała daterminova ŭ svajoj hrupie «Je» pieršaje miesca, siońnia da taho ž razhramiła Łatviju (6:1).
Matč Biełaruś – Rasija projdzie ŭ sieradu, 6 traŭnia. Pačatak u 17:15.
Darečy z Rasijaj biełarusy hulali na čempijanacie śvietu 2000 u Sankt-Pieciarburhu i tady vyjhrali 1:0.
Čechija zaniała treciaje miesca i zhulaje ŭ čverćfinale z druhoj kamandaj hrupy «Je». Zaŭtra ŭ vočnym pajadynku Kanada i Finlandyja vyznačać, chto zojmie ŭ našaj hrupie pieršaje, a chto - 2-je miesca.
***
Nahadajem, što ŭčora padapiečnyja Hlena Chenłana vyjhrali pa bulitach u zbornaj Finlandyi ź likam 2:1.
Heta čaćviertaja zapar pieramoha biełarusaŭ na ČS: Słavakija (2:1, bulity), Vienhryja (3:1), Narviehija (3:2, oviertajm), Finlandyja (2:1, bulity)
Dahetul biełarusy tolki adnojčy vychodzili ŭ płej-of čempijanataŭ śvietu: u 2006 h. na pieršynstvie, što prajšło ŭ Łatvii.
Turnirnaje stanovišča ŭ hrupie «Je»: Rasija — 14 bałaŭ (5 hulniaŭ), ZŠA, Šviecyja — 7 (pa 4 hulni), Łatvija - 7 (5 hulniaŭ), Šviejcaryja — 4 (4), Francyja — 0.
Zaŭtra hulajuć: Šviecyja – Francyja, ZŠA – Šviejcaryja.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary