Vyzvaleny Vaskrasienski pra vizit Łukašenki ŭ SIZA KDB: Tolki mocny palityk zdolny na taki krok
Tolki mocny palityk zdolny na taki krok. Tak acaniŭ vizit Łukašenki ŭ SIZA KDB były palitviazień Juryj Vaskrasienski. Pra heta jon zajaviŭ u efiry BT. Nahadajem, dvum palitviaźniam, što sustrakalisia 10 kastryčnika z Alaksandram Łukašenkam, źmianili mieru strymańnia. Pra heta paviedamili ŭ efiry BT. Na volu vyjšli člen inicyjatyŭnaj hrupy Viktara Babaryki, biznesmien Juryj Vaskrasienski i dyrektar kampanii PandaDoc Dźmitryj Rabcevič.
«Razmova doŭžyłasia kala 5 hadzin. Jana była vielmi praduktyŭnaj, miescami na padvyšanych tanach, ale ŭ vyniku zaviaršyłasia vialikim kanstruktyvam. Pa vyniku sustrečy z prezidentam, mnie daručana prystupić da padrychtoŭki alternatyŭnych prapanoŭ pa źmianieńni Kanstytucyi, taksama prapanavana padrychtavać svaje dumki nakont dalejšych krokaŭ z boku ŭłady pa vyzvaleńni šerahu asob, jakija nie tak hramadska niebiaśpiečnyja dla našaj krainy, jak zdavalisia na pieršym etapie», — skazaŭ Juryj Vaskrasienski.
Pavodle jaho słoŭ, źjaviŭšysia ŭ SIZA, Łukašenka «pakazaŭ, što čałaviek mužny, mocny, hatovy trymać udar».
Taksama ŭ efiry BT vystupiŭ dyrektar PandaDoc Dźmitryj Rabcevič, kamientujučy vyniki razmovy z Łukašenkam u SIZA KDB. Jon skazaŭ, što ŭ Biełarusi stvorany ŭmovy dla pracy IT-haliny i jość pieradumovy dla dalejšaha raźvićcia.
Dźmitryj Rabcevič, ličyć, što ŭ struktury PVT «stvorany ŭsie ŭmovy, kab płacić narmalnyja zarobki, raźvivacca, budavać budučyniu razam».
«Mnie zdajecca, što IT-kraina pabudavana: jość płacdarm, viedy, navyki ŭ supracoŭnikaŭ, jość dobryja ŭmovy, u pryvatnaści dekret i lhoty, jakija dazvalajuć u budučyni raźvivać haliny ŭ tym razrezie, jaki jość ciapier, — skazaŭ jon. — Dla biznesu stvorany ŭsie ŭmovy. Mahčyma, dekret budzie dapracoŭvacca, źmianiacca».
Były ministr kultury Rusłan Čarniecki znajšoŭ sabie padpracoŭku9
Kamientary