Łanskaja: Pratestoŭcam pakazvali videa, dzie jany atrymlivali hrošy — i im niama čaho było skazać
Śpiavačka Alena Łanskaja vykazała svaju palityčnuju pazicyju ŭ vialikim intervju «Kamsamolskaj praŭdzie ŭ Biełarusi». Ciapier jaho raźbirajuć na cytaty.
Pra praźmierny hvałt
«Ja vydatna razumieju, što mohuć zrabić raźjušanyja pjanyja mužčyny. Adnojčy ja sutyknułasia z takoj situacyjaj i viedaju, što samakantrol u ich spres adsutničaje».
Pra falsifikacyi
«Mnie składana aceńvać situacyju, tamu što za hetyja dva miesiacy było vielmi šmat fejku. Šmat čamu ja nie asabliva vieru. Pakłaŭšy ruku na serca, mahu skazać: moj hołas nie skrali. A dalej chaj aceńvajuć situacyju struktury, jakija ŭ hetym raźbirajucca».
Pra «płatnyja» pratesty
«Ja viedaju, što niekatoryja spačatku adniekvalisia, ale, kali pakazvali videa, dzie jany atrymlivali hrošy — im užo nie było čaho skazać. Liču, što za kožnym padobnym šou staić arhanizatar, jaki płacić i navat bajusia ŭjavić ahulnyja maštaby finansavaha sponsarstva hetych mierapryjemstvaŭ.
Pra astrałohiju
«Jašče napiaredadni Novaha 2020 hoda viedała, što jon pryniasie niamała transfarmacyj… Sprava ŭ tym, što ja krychu vyvučała astrałohiju. Dyk voś, padobny pieryjad užo byŭ u 1985-1990 hadach, u časy razvału SSSR. Jon supravadžaŭsia emacyjnym spadam u ludziej, i jak śledstva, jany nieabjektyŭna aceńvali situacyju».
Pra čakry
«Ja niesła čyrvona-zialony ściah z honaram, u tym liku na «Jeŭrabačańni». I kali navat aryjentavacca na kolery čakr — to heta całkam sabie pravilny koler ściaha. Moža, kamuści jon nie padabajecca, a mnie - padabajecca, i ja nie liču, što jaho treba mianiać».
Pra spraviadlivaść
«Ja viedaju artystaŭ, jakija atrymlivali ad dziaržavy ŭsio, a ciapier jany ŭ apazicyi. Kali vy siabie ličycie takimi ŭžo pravilnymi, viarnicie kvatery, uznaharody, hrošy»
Były ministr kultury Rusłan Čarniecki znajšoŭ sabie padpracoŭku9
Kamientary