U miežach prajektu «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami» biare ŭdzieł Atlantica.
U miežach prajektu «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami» biare ŭdzieł Atlantica.
Pa‑biełarusku zahučyć pieśnia It's Not About Us ź ich novaha albomu Taboo. «Ja adrazu adčuŭ, što heta vydatnaja ideja, bo daŭno ŭžo chacieŭ zaśpiavać pa‑biełarusku», — kaža lider prajektu Aleks Devid.
Prajekt Atlantica nie biez padstavaŭ pretenduje na toje, kab zvacca samym viadomym biełaruskim pap‑prajektam za miažoj. Ich pieśni čuvać navat u Čyli, a huk im dapamahaŭ rabić saŭndpradusar Texas i Blur. Vytoki prajekt maje, darečy, nie ŭ Biełarusi, a ŭ Francyi. Tam syšlisia jaho zasnavalniki — Aleks Devid (jon tamaka vučyŭsia) i Dzimitr (jon tamaka hraŭ u baskietboł). Kančatkova zaduma aformiłasia ŭ 2003 hodzie z dapamohaj viadomaha radyjoviadučaha Paŭła Baranoŭskaha.
Usio ŭ ich pajšło dobra ad pačatku. Jany syhrali ŭ Miensku razam z zorkami synty‑popu Camouflage, u ich klipie źniałasia Śviatłana Zielankoŭskaja, jany pieramahli na zimniaj «Pieśni hodu‑2005» naANT. Bolšaść piesień ź ich pieršych dvuch albomaŭ «Heavenly», a potym «Urbanoid» stali radyjochitami. Pryčym nia tolki na biełaruskich efemkach.
Tvory Atlantica 11 raz uklučalisia ŭ rassyłku najbujniejšaj amerykanskaj kampanii Radio Ventures, jany hučali i hučać na brytanskaj BBC Radio1 dy FM‑ctancyjach Polščy, Ukrainy, Halandyi, Čechii, Čyli dy inšych krainaŭ śvietu. A ŭ 2005 hodzie adna ź piesień hurta navat trapiła va ŭpłyvovy eŭrapiejski čart Airplay TOP‑100 (87‑aje miesca).
Z kožnym dyskam źmianiaŭsia i skład kamandy. U druhim albomie «Urbanoid» paŭstaŭ užo nie duet, a tryo. Dzimitar pajšoŭ z prajektu, a zamiest jaho pryjšli bek‑vakalisty Alena dy Vital. Ale na reklamie treciaha dysku «Taboo» Aleks Devid paziruje ŭžo adzin. Novuju prahramu jon zapisaŭ ź hitarystam Źmitra Vajciuškieviča — Aleham Ivanovičam. I muzyčnyja eksperty paśla małaŭciamnaj papiaredniaj pracy ŭspryniali dysk na ŭra
U «Pierazahruzcy» Aleks Devid pahadziŭsia ŭdzielničać imhnienna.
«Ja adrazu adčuŭ, što heta vydatnaja ideja, — kaža śpiavak. — Bo daŭno ŭžo chacieŭ zaśpiavać pa‑biełarusku».Aleks kaža, što dva hady tamu Atlantica amal uziałasia za padrychtoŭku biełaruskamoŭnaha dysku, ale praca nie pajšła praź niezrazumiełaści ŭ składzie. «Ja natchniŭsia biełaruskaj pieśniaj niedzie 15 hod tamu, kali byŭ na festyvalu «Jećviaź» u Pinsku i pačuŭ nakolki kalarytnym moža być naš śpieŭ. Ja jakraz i chacieŭ skarystać u tym nierealizavanym prajekcie hety pryhožy paleski dyjalekt», — kaža vykanaŭca.
Dla prajektu «Tuzina Hitoŭ» i hramadskaj kampanii «Budźma biełarusami» Aleks pieraśpiavaje pieśniu It's Not About Us — samuju pryhožuju na dysku Taboo. Pieraasensavać jaje biarecca litaratar Vital Voranaŭ.
Nastupny ŭdzielnik «Pierazahruzki» budzie pradstaŭleny 29 traŭnia.
***
U prajekcie «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami» biaruć udzieł 12 samych cikavych ajčynnych niebiełaruskamoŭnych vykanaŭcaŭ roznych stylaŭ, jakich łučyć aryhinalnaść materyjału, prafesyjnaść u muzyčnym padychodzie i žadańnie ekśpierymentavać. Kožny ź ich pierazapiša adzin z svaich hitoŭ u biełaruskamoŭnym varyjancie, vykananym prafesyjnym pierakładčykam. Usie pieśni buduć prezentavanyja na staronkach Tuzin hitoŭ i Budźma
-
«Ja vam skažu — zusim nie toje!» Na 80‑hodździ va Urocłavie Niaklajeŭ paraŭnaŭ pacałunki Brežnieva i Cichanoŭskaj
-
U Vienie za 776 tysiač jeŭra nachilili pomnik meru. Jaho antysiemityzm natchniaŭ Hitlera
-
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
Kamientary