U adnym z cechaŭ AAT «Hrodna Azot» abvaliłasia častka dachu.
U adnym z cechaŭ AAT «Hrodna Azot» abvaliłasia častka dachu.
Nadzvyčajnaje zdareńnie adbyłosia 22 maja kala 13 hadzin u cechu hidraksiłaminsulfatu, jaki prymianiajecca dla vytvorčaści fotareahientaŭ, kinafotamateryjałaŭ, łakaŭ, paviedamiŭ BiełaPAN pres‑sakratar MNS Vital Navicki.
Na płoščy kala 290 kvadratnych mietraŭ abvaliłasia častka rabrystych žalezabietonnych plit dvuch ź siami pralotaŭ dachu.
Ahulnaja płošča cecha składaje 1.728 kvadratnych mietraŭ (54 na 32). Mierkavanaja pryčyna abrušeńnia — stomlenaść mietału.
«Paciarpiełych niama. Rabočyja samastojna vyjšli z cecha.
Ciapier jon nie pracuje, ale technałahičny praces nie pieraryvaŭsia», — skazaŭ V.Navicki.
10 studzienia z‑za avaryi na hrodzienskaj CEC‑2 na praciahu siami chvilin byli abiastočanyja abjekty pradpryjemstvaŭ «Hrodna Azot» i «Hrodna Chimvałakno».
Kamientary