Patryjarch Kirył — biełaruskim uładam: Nielha adkładać u doŭhuju skryniu toje, što vyklikaje niazhodu ŭ hramadstvie
Patryjarch Maskoŭski Kirył (sprava) i Patryjaršy Ekzarch Biełarusi Vienijamin. Fota Vitprav.by
Patryjarch Maskoŭski i ŭsiaje Rusi Kirył u kaladnym intervju telekanału «Rasija-1» zaklikaŭ biełaruski narod vyrašać pytańni mirna, a ŭłady — nie adkładać u doŭhuju skryniu toje, što vyklikaje niazhodu ŭ hramadstvie, pieradaje Interfaks.
— My śviedki taho, što adbyłosia va Ukrainie, — ciapier słova «majdan» stała nazoŭnym. Całkam vidavočna, što vopyt Ukrainy pavinien navučyć usich nas, što pieraŭtvareńni ŭ hramadstvie pavinny prachodzić takim čynam, kab jany nie supravadžalisia narastańniem unutranaj napružanaści i asabliva radykalizacyjaj adnosin pamiž ludźmi, — skazaŭ patryjarch.
Jon zaklikaŭ zadumacca nad tym, kolki revalucyj užo było, roznaha rodu pieravarotaŭ, ale nichto, nidzie i nikoli nie dasiahaŭ miru, spakoju i dabrabytu pry dapamozie hvałtu. «Zaŭsiody paśla revalucyi pavinien być doŭhi pieryjad adnaŭleńnia. Tamu treba imknucca da lepšaha, nie rujnujučy taho, što jość, a raźvivajučy ŭ lepšy bok, madernizujučy ŭ dobrym sensie hetaha słova, palapšajučy i hramadskija adnosiny, i naohuł žyćcio krainy», — ličyć patryjarch Kirył.
«Tamu naš zaklik da Biełarusi ( … ) usie pytańni treba vyrašać mirna. Ale kali pytańni isnujuć, ich treba vyrašać, i heta ŭžo zvarot i da biełaruskich uładaŭ. Nielha adkładać u doŭhuju skryniu toje, što vyklikaje niazhodu i napružańnie ŭ hramadstvie.
Patrebnyja instrumienty razumnaha, dziełavoha abmierkavańnia prablem z vychadam na kankretnyja rašeńni», — skazaŭ źvierchnik Ruskaj pravasłaŭnaj carkvy.
Naprykancy jon pažadaŭ, kab spynilisia sproby siłavymi sposabami vyrašać hetyja pytańni ŭ Biełarusi i staŭ by raźvivacca dyjałoh pamiž uładaj i narodam, uładaj i hramadstvam,
z udziełam usich sił, uklučajučy pradstaŭnikoŭ relihijnych supolnaściaŭ, nakiravany na stabilizacyju stanovišča i na ŭsiebakovaje raźvićcio «bratniaj Biełarusi».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary