Kalektyŭny imunitet da karanavirusa nie źjavicca ŭ 2021 hodzie, navat niahledziačy na raspačatuju ŭ šerahu krain vakcynacyju, zajaviła hałoŭny navukovy supracoŭnik Suśvietnaj arhanizacyi achovy zdaroŭja (SAAZ) Sumija Svaminatan, piša RBK.
«Navat kali vakcyny pačnuć abaraniać najbolš uraźlivych ludziej, my nie zmožam dasiahnuć jakoha-niebudź uzroŭniu papulacyjnaha imunitetu ŭ 2021 hodzie», — skazała Svaminatan.
Pavodle jaje słoŭ, kali kalektyŭny imunitet źjavicca ŭ niekalkich krainach, «heta nie abaronić ludziej pa ŭsim śviecie».
U toj ža čas Svaminatan zajaviła, što ŭ raspracoŭcy vakcyn byŭ dasiahnuty «nievierahodny prahres». «Jašče hod tamu nichto nie moh ujavić, što ŭ nas budzie nie adna, a adrazu niekalki vakcyn ad karanavirusa. I jany pastupiać va ŭsie krainy, ale my pavinny być ciarplivymi», — skazała ekśpiert.
Razam z tym, pavodle prahnozu analitykaŭ Citi Research, kalektyŭny imunitet da karanavirusa pačnie farmavacca ŭ śviecie tolki ŭ kancy 2021 hoda.
Jany pryjšli da vysnovy, što raźvityja rynki zabiaśpiečyli 85% papiarednich zakazaŭ na vakcyny. ZŠA, Vialikabrytanija, Japonija, Kanada, Aŭstralija i krainy Jeŭrasajuza zamovili pastaŭki preparata, jakija pieravyšajuć patreby ich nasielnictva.
Heta značyć, što masavaje raspaŭsiudžvańnie vakcyn pačniecca tam u druhim abo trecim kvartale, a kalektyŭny imunitet moža być sfarmiravany ŭ apošnija try miesiacy hetaha hoda.
Vakcynacyja ž u krainach z ekanomikaj, jakaja raźvivajecca, moža pačacca ŭ 2022 hodzie ci paźniej, prahnazujuć u Citi Research.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary