Pra heta Samuel Žbohar zajaviŭ padčas sustrečy ź biełaruskimi žurnalistami.
Pra heta ministr zamiežnych spraŭ Słavienii, što ciapier staršynstvuje ŭ Radzie Jeŭropy, zajaviŭ padčas svajoj pres‑kanfierencyi ŭ Minsku.
Na pytańnie karespandenta «Našaj Nivy», ci abmiarkoŭvałasia ź biełaruskimi ŭładami situacyja vakoł źniavoleńnia Mikałaja Aŭtuchoviča i jahonych paplečnikaŭ,
Samuel Žbohar vykazaŭ spadziavańnie, što najbližejšym časam prablema hetaja prablema budzie vyrašana, i «novyja palitviaźni buduć vyzvalenyja».
Kiraŭnik MZS Słavienii vystupaje za toje, kab Biełarusi byŭ nadadzieny status śpiecyjalna zaprošanaj u Radzie Jeŭropy, a ŭ budučyni stała paŭnapraŭnym siabram arhanizacyi, ale «dla hetaha treba uvieści maratoryj na śmiarotnaje pakarańnie». Maratoryj dziejničaje ŭ 47 krainach, adznačyŭ ministr
Samuel Žbohar taksama zajaviŭ, što ŭ Biełarusi nazirajecca prahres u demakratyzacyi.
Palapšeńnie stasunkaŭ, jak z PARIE, tak i ź Jeŭrasajuzam.
U paćvierdžańnie hetaha jon pryvioŭ čatyry prykłady: rehistracyja niaŭradavych arhanizacyj [majecca na ŭvazie Ruch za Svabodu], viartańnie niezaležnych ŚMI ŭ šapiki [«Naša Niva» i «Narodnaja vola»], vyzvaleńnie palitviaźniaŭ, stvareńnie hramadskich radaŭ z udziełam pradstaŭnikoŭ niezaležnaha hramadstva pry Administracyi prezidenta.
Žurnalisty adznačyli, što apošnija parłamienckija vybary ŭ Biełarusi nie byli pryznanyja lehitymnymi, a ci nie budzie nadańnie statusu admysłova zaprošanaha značyć lehimityzycyju pałacie pradstaŭnikoŭ.
«My vystupajem za toje, kab u biełaruskaj delehacyi brała ŭdzieł i apazicyja. Spadziajusia, heta niejak vyrašyć pytańnie», — zaznačyŭ S.Žbohier.
A ci ŭbačyŭ niešta niehatyŭ słavienski ministr padčas naviedvańnia Minsku? «Mnie zdajecca, što heta nie zusim pravilna krytykavać biełaruskija ŭłady znachodziačysia ŭ vašaj krainie. Kali ŭ nas uźniknuć niejkija pytańni, to my ich pieradadzim va ŭrad»
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary