Schod siabroŭ BNF dazvoliŭ, a Kanhresu jeŭrapiejskaha vybaru pamiaškańnia nie daŭ. Tamu Partyja BNF vyrašyła padzialicca pamiaškańniem.
Kanhres eŭrapiejskaha vybaru projdzie ŭ Miensku 20 červienia.
Pra heta "paviedamiŭ staršynia arhkamitetu Mikoła Statkievič.
Pasiedžańni buduć adbyvacca ŭ mienskim Pałacy kultury traktarnaha zavodu.
Arhkamitet miarkuje nadrukavać u medyjach prajekty ŭsich dakumentaŭ, jakija buduć prapanavanyja da razhladu.U paradak dnia kanhresu ŭklučana abmierkavańnie stratehii eŭrapiejskich sił Biełarusi. Miarkujecca pryniać deklaracyju eŭrapiejskaha vybaru. Taksama budzie sfarmavany śpis pretendentaŭ na pasadu adzinaha kandydata ŭ prezydenty ad eŭrapiejskich sił Biełarusi.
Delehaty abiaruć Radu eŭrapiejskaha vybaru.
Raniej planavałasia pravieści kanhres 21 červienia, paśla schodu siabroŭ BNF, pryznačanaha na 20 červienia.
Siabra arhkamitetu kanhresu Viktar Ivaškievič padavaŭ zajaŭki na pamiaškańnie dla abodvuch mierapryjemstvaŭ. Adnak ułady admovilisia dać pamiaškańnie dla kanhresu na 21 červienia, bo ŭ Pałacy kultury MAZ na hety dzień zaplanavanyja inšyja mierapryjemstvy. Choć, pavodle M.Statkieviča, pradstaŭniki administracyi, kali padavałasia zajaŭka, zapeŭnivali, što zala budzie volnaja.
Taksama ŭłady nie dazvolili pravodzić mierapryjemstva ŭ parku imia 50-hodździa Kastryčnika. Adnak dazvoł na praviadzieńnie schodu BNF 20 červienia ŭ pałacy kultury MTZ byŭ atrymany.
Pavodle spadara M.Statkieviča,
siabry BNF vyrašyli pravieści schod u ścisłyja terminy, a astatni čas na znak salidarnaści prapanavali addać dla praviadzieńnia kanhresu 20 červienia.
Arhkamitet vyrašyŭ, što kanhres pačnie svaju pracu a 15-j hadzinie. Raniej planavaŭsia ŭdzieł 1100 delehataŭ, adnak z-za taho, što pamiaškańnie ŭ pałacy kultury MTZ mienšaje, čym mierkavałasia, vyrašyli skaracić kvoty dla arhanizacyj, jakija biaruć udzieł u kanhresie.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary