Treniera ź dziciačaj škoły bresckaha «Dynama» adpravili ŭ SIZA — zatrymali za 10 žniŭnia
Maładoha bresckaha treniera ŭziali pad vartu — buduć sudzić za žnivieńskija padziei.
Vadzimu Čapialeviču 27 hadoŭ. Jon rodam ź vioski Jaromičy, što ŭ Kobrynskim rajonie. Vadzim hulaŭ u futboł, ale praz traŭmu rana skončyŭ karjeru. Apošnija hady žyŭ u Breście — pracavaŭ dziciačym trenieram u bresckim «Dynama».
Ale ŭ sakaviku Vadzima adpravili za kraty.
«Siońnia ŭžo 35 sutak, jak syn pad vartaj, — kaža Lidzija Ściapanaŭna, mama Vadzima. — Jaho zatrymali ŭ sakaviku. 17 sakavika pazvanili ź milicyi, zaprasili zajści ŭ RAUS na 5 chvilin. Jon pajšoŭ — i bolš nie vyjšaŭ.
Viedaju, što heta za padziei 10 žniŭnia. Syna zaŭvažyli na niejkim videa — jon tam trymaŭ u ruce kamień. Ci kidaŭ jon toj kamień u kaho, ci što — bolš padrabiaznaściaŭ nie viedaju».
Lidzija Ściapanaŭna kaža, što ŭ bresckaj kvatery jaje syna prajšoŭ pieratrus. Zabrali vopratku — šorty i majku, — u jakoj Vadzim byŭ na tym videa.
«Nam sustrecca ź im nie dajuć. Što zaraz rabić? Kali heta ŭsio skončycca? Jon nie vinavaty, za što heta ŭsio?» — płača mama Vadzima.
Lidzija Ściapanaŭna — zvyčajnaja nastaŭnica fizkultury ŭ viaskovaj škole z-pad Kobryna, jaje muž, ajčym Vadzima, jeździć na zarobki ŭ Rasiju. Ale ž siamju padtrymlivajuć baćki dzietak, jakich treniravaŭ Vadzim.
«Jany vielmi nam dapamahajuć — i z advakatam dapamahli, i maralna padtrymlivajuć. Telefanujuć mnie, pišuć listy synu. Vadzim ža vioŭ hrupu dzietak užo 6 hadoŭ, pačaŭ ich treniravać jašče z sadka. Jaho vielmi lubiać dzietki, pavažajuć ich baćki. Ciapier jamu pišuć listy i jaho maleńkija futbalisty», — kaža Lidzija Ściapanaŭna.
Pakul pa spravie idzie śledstva, Vadzim zastajecca pad vartaj. Artykuł, pa jakim abvinavačvajuć syna, Lidzija Ściapanaŭna dakładna nie pamiataje. Ale, kaža jana, Vadzimu ciapier pahražaje ad 3 da 8 hadoŭ.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary