Navukoŭcy vyjavili suviaź pamiž niedachopam snu i raźvićciom demiencyi
Daśledavańnie pakazała, što ludzi, jakija rehularna śpiać mienš za šeść hadzin, majuć bolšuju ryzyku raźvićcia demiencyi ŭ pažyłym uzroście.
Da takoj vysnovy pryjšli navukoŭcy z Łondana, daśledavańnie jakich było apublikavana ŭ časopisie Nature Communications.
U miežach daśledavańnia navukoŭcy na praciahu 25 hadoŭ nazirali za vaśmiu tysiačami ŭdzielnikaŭ, jakija paviedamlali daśledčykam pra svoj stan zdaroŭja i praciahłaść snu. Akramia hetaha, pałova ŭdzielnikaŭ nasili admysłovy hadzińnik dla manitorynhu snu.
U vyniku było vyjaŭlena, što ŭ ludziej va ŭzroście 50-60 hadoŭ, jakija śpiać mienš za 6 hadzin za sutki, ryzyka raźvićcia demiencyi vyšejšaja na 30%, čym u tych, chto śpić minimum 7 hadzin štonočy.
Navukoŭcam nieviadoma, ci zmoža palapšeńnie snu źnizić ryzyku raźvićcia demiencyi, ale viadoma, što son vyvodzić taksiny z mozha. A kali ludzi mienš śpiać, to hety praces parušajecca, što moža pryvodzić da kahnityŭnych parušeńniaŭ.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary