Svajaki Jaŭhiena Juškieviča źbirajuć podpisy pad listom u KDB i Hienprakuraturu
Svajaki byłoha śledčaha Jaŭhiena Juškieviča, zatrymanaha niadaŭna orhanami biaśpieki, inicyjavali adkryty zvarot u KDB i Hienieralnuju prakuraturu.
Čytajcie: Da zatrymanaha eks-cledčaha Jaŭhiena Juškieviča čaćviorty dzień nie puskajuć advakata
Jany patrabujuć:
— Spynić parušeńnie pravoŭ Juškieviča na abaronu i advakata, roŭna jak i inšych pravoŭ.
— Pradastavić abaroncu Maryi Kolesavaj-Hudzilinaj dostup da padabaronnaha.
— Vyzvalić Jaŭhiena Juškieviča, źmianić mieru strymańnia na padpisku ab niavyjeździe.
— Spynić nieabhruntavany kryminalny pieraśled Jaŭhiena Juškieviča.
Zvarot adkryty dla podpisu, za paru hadzin jaho padpisała amal paŭtysiačy čałaviek.
Voś spasyłka, pa jakoj źbirajucca podpisy.
Jaŭhien Juškievič pierastaŭ vychodzić na suviaź 19 krasavika. Paźniej jaho advakat Maryja Kolesava-Hudzilina napisała, što jon u SIZA KDB. Pa jaje słovach, svajakam pakazali pastanovu na pieratrus, dzie ŭkazany artykuł 289 KK («Akt teraryzmu»). Pa miescy žycharstva Juškieviča za hetyja dni dvojčy prajšli pieratrusy.
«Chaj pasprabuje nie zrabić prapanovu, kali vyjdzie ź SIZA». Eks-rabotnica prakuratury raskazała ab adnosinach z palitviaźniem Juškievičam
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy1
Kamientary