Kitajskija cenzary vydalajuć ź internetu ŭsie zhadki pra «Oskar» Chłoi Čžaa
Kinarežysiorka Chłoja Čžaa stała pieršaj kitajankaj i druhoj žančynaj u historyi, jakaja atrymała samuju prestyžnuju ŭznaharodu ŭ kiniematohrafie. Adnak u Kitai ŭsie naviny, źviazanyja ź pieramohaj Chłoi Čžaa, vyčyščajuć z pošukavych sistem, sacyjalnych sietak i dziaržaŭnych ŚMI.
Kali siońnia ranicaj stała viadoma, što «Oskar» za najlepšuju režysuru ŭpieršyniu ŭ historyi atrymała kitajanka, kitajskija sacyjalnyja sietki i ŚMI zapoŭnilisia vinšavańniami. Adnak da siaredziny dnia ŭsie pasty byli vydalenyja.
Pošuk imia režysiorki ŭ Baidu i Sogou, hałoŭnych pošukavych sistemach Kitaja, vyvodziŭ na spasyłki pra papiarednija šmatlikija ŭznaharody Chłoi Čžaa, ale ničoha nie było nakont «Oskara».
Dva reparciory kitajskich dziaržaŭnych ŚMI paviedamili The Wall Street Journal, što Adździeł prapahandy Kamunistyčnaj partyi Kitaja zahadaŭ ničoha nie paviedamlać pra pieramohu Chłoi Čžaa.
Ministerstva zamiežnych spraŭ Kitaja admoviłasia kamientavać vydaleńnie paviedamleńniaŭ, bo «heta nie dypłamatyčnaje pytańnie».
U pačatku hetaha hoda Chłoja Čžaa sutyknułasia z krytykaj u sacyjalnych sietkach paśla taho, jak karystalniki raspaŭsiudzili jaje intervju za 2013 hod, u jakim režysiorka zhadała Kitaj svajho dziacinstva i maładości i nazvała jaho miescam, «dzie paŭsiul była chłuśnia».
Chłoja Čžaa žyła ŭ Kitai da 17 hadoŭ, paśla pajechała vučycca ŭ ZŠA i tam zastałasia.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary