«Mužčyna spytaŭ u mianie płoskuju adviortku». Dziŭny suicyd u kramie ŭ Vaŭkavysku
U paniadziełak 26 krasavika ŭ vaŭkavyskuju praduktovuju kramu «Zarnica» zajšoŭ mužčyna. U kaŭbasnym adździele jon uziaŭ nož — i ŭdaryŭ siabie ŭ žyvot. Mužčyna pamior na miescy.
Cikava, što krama «Zarnica» naležyć vypraŭlenčaj ustanovie — kałonii №11. Ale znachodzicca nie na terytoryi kałonii, a prosta ŭ horadzie, handluje praduktami.
«Naša Niva» źviazałasia z zahadčycaj kramy, ale žančyna admoviłasia razmaŭlać ab zdareńni.
U susiedniaj kramie raspaviali, što litaralna pierad trahiedyjaj da ich zavitaŭ vielmi padazrony klijent.
«Učora zachodziŭ niejki mužčyna — ja nie mahu dakładna śćviardžać, što heta jon, ale vielmi padobna da taho. Heta byŭ čałaviek hadoŭ 40 na vyhlad, nieachajna apranuty: džynsy rasšpilenyja. Nievysoki rost, chudarlavy mužčyna, — raspaviali ŭ susiedniaj kramie. —
Było padobna, što jon pad niejkimi narkotykami. Spajsy, moža, ci što? Bo vielmi dziŭnyja vočy byli ŭ jaho, takija mutnyja. Ale ałkaholem nie pachła.
Hety mužčyna spytaŭ u mianie adviortku. Kaža, nie kryžavuju, a płoskuju treba. Ja adkazała: my instrumientam nie handlujem. Jon adrazu vyjšaŭ i pajšoŭ u «Zarnicu».
Ale znoŭ ža — nie mahu śćviardžać, što toje byŭ dakładna adzin i toj ža čałaviek. Sama ja trup nie bačyła. A pradavački z «Zarnicy» ciapier maŭčać — napeŭna, im dali zahad ni z kim nie havaryć na hetuju temu».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary