Druhoje miesca zaniaŭ hurt «DzieciDziaciej» (Minsk), treciaje — staličny hurt Unia.
Pieramožcam piataha fiestyvalu biełaruskaj muzyki «Ambasovišča» staŭ hurt «Chutki smoŭž» z Mahiloŭskaj vobłaści. Vykanaŭcy nabrali 53 hałasy hledačoŭ.
Druhoje miesca z 45 hałasami zaniaŭ hurt «DzieciDziaciej» (Minsk), treciaje — staličny hurt Unia (44 hałasy).
Fiestyval pa tradycyi prajšoŭ u rezidencyi amierykanskaha pasła ŭ Raŭbičach pad Minskam.
U im uziali ŭdzieł 11 hurtoŭ z roznych rehijonaŭ Biełarusi, jakija pradstaŭlajuć roznyja muzyčnyja žanry. Pierad prysutnymi vystupili biełaruski ŭdzielnik «Jeŭrabačańnia‑2009» Piotr Jałfimaŭ i amierykanski hurt The Gifted Children (štat Ńju‑Jork).
Časovy pavierany ŭ spravach ZŠA u Biełarusi Džonatan Mur adznačyŭ u intervju BiełaPAN, što praź niekalki tydniaŭ pakidaje krainu ŭ suviazi z zaviaršeńniem svajoj misii. «Ja nie vielmi rady tamu, što źjazdžaju, pakolki nie davioŭ da kanca toje, što chacieŭ», — skazaŭ dypłamat. Siarod pośpiechaŭ svajoj misii Mur adznačyŭ fiestyval «Ambasovišča», jaki staŭ dla jaho čaćviortym.
Pavodle słoŭ Mura, fiestyval pieradusim pryśviečany svabodzie: «Heta śviata svabody słova, svabody vykazvańnia. Heta mahčymaść być razam i słuchać talenavitych muzykantaŭ».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary