Pra heta zajaviŭ śpikier Savieta Respubliki padčas vizitu ŭ Tehieran.
Padčas sustrečy sa śpikieram Savieta Respubliki Nacyjanalnaha schodu Biełarusi Barysam Baturam, iranski prezident zajaviŭ, što Iran i Biełaruś pavinny adyhryvać peŭnuju rolu ŭ kiravańni mižnarodnymi spravami, paviedamlaje «Tehran Times».
Delehacyja biełaruskaha parłamienta znachodziłasia ŭ Tehieranie z aficyjnym vizitam.
Iranski prezident Machmud Achmadziniežad zajaviŭ, što niekatoryja vonkavyja siły žadajuć ustanavić adnabakovy paradak u śviecie z dapamohaj manipulacyj apošnich hłabalnych padziej. Jon dadaŭ, što śviet staić na parozie vialikich źmienaŭ i lidery hublajuć svaju ŭładu.
Achmadziniežad adznačyŭ, što Iran i Biełaruś majuć ahulnyja pazicyi ŭ mnohich hłabalnych prablemach i Tehieran hatovy dla pašyreńnia suviaziaŭ ź Minskam.
U svaju čarhu Batura nazvaŭ prezidenckija vybary paśpiachovymi i pazityŭna acaniŭ pazicyju kiraŭnictva krainy ŭ zmahańni z hrubym, na jaho pohlad, zamiežnym umiašalnictvam.
Biełaruski śpikier zajaviŭ, što Biełaruś žadaje pašyryć suviazi ź Iranam u roznych halinach, a taksama sadziejničać supracoŭnictvu ŭ naładžvańni pravavoj sistemy ŭ śviecie. Jon taksama adznačyŭ, što Biełaruś vitaje iranskuju prapanovu pra stvareńnie pravavych i sudovych orhanaŭ krainami‑udzielnicami Ruchu niedałučeńnia i što naša kraina hatovaja da luboha supracoŭnictva ŭ hetaj halinie.
Pavodle słovaŭ Batury, Tehieran i Minsk majuć ahulnyja pazicyi adnosna taho, što Ruch niedałučeńnia pavinien adyhryvać bolš aktyŭnuju rolu na mižnarodnaj arenie.
Nahadajem, što ciapier u Iranie adbyvajucca masavyja akcyi pratestu apazicyi, jakija pačalisia niekalki dzion tamu paśla abviaščeńnia vynikaŭ prezidenckich vybaraŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB17
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary