Ceny na pasłuhi pralniaŭ, chimčystak, cyrulniaŭ, dakumientalnaj fotazdymki ŭ Biełarusi z 1 lipienia buduć farmiravacca svabodna. Ab hetym paviedamili BIEŁTA ŭ Minekanomiki.
Hetyja vidy pasłuh vyklučajucca ź pieraliku sacyjalna značnych tavaraŭ (rabot, pasłuh) i lekavych srodkaŭ, ceny (taryfy) na jakija rehulujucca Ministerstvam ekanomiki, abłvykankamami i Minskim harvykankamam. Rašeńnie ab hetym zamacavana pastanovaj Savieta Ministraŭ numar 752.
Akramia taho, dadatkova z rehulavanych tavaraŭ vyklučajucca niekatoryja vidy małaka i chlebabułačnych vyrabaŭ: małako sterylizavanaje, toplenaje, kazinaje, zdobnyja bułačnyja vyraby, abaranačnyja i sucharnyja vyraby, pirahi, piražki, pončyki.
Jak rastłumačyli ŭ Minekanomiki, vyklučeńnie hetych tavaraŭ i pasłuh ź pieraliku rehulavanych abumoŭlena tym, što ŭ Biełarusi pa ich užo skłałasia peŭnaja kanjunktura cen (taryfaŭ).
Svabodnaje farmiravańnie cen (taryfaŭ) na hetyja pazicyi, u pieršuju čarhu na pasłuhi, daść mahčymaść pryciahnuć u śfieru bytavoha absłuhoŭvańnia subjekty małoha pradprymalnictva i tym samym budzie sadziejničać stvareńniu kankurentnaha asiarodździa ŭ hetaj śfiery, adznačyli ŭ Ministerstvie ekanomiki
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary