Ministerstva handlu Biełarusi pakinuła ŭ sile zabaronu na prodaž piva abjektami drobnaroźničnaj handlovaj sietki
Ministerstva handlu Biełarusi pakinuła ŭ sile zabaronu na prodaž piva abjektami drobnaroźničnaj handlovaj sietki. Taki adkaz byŭ atrymany RHA «Pierśpiektyva».
Jak paviedamlałasia raniej, hetaje hramadskaje abjadnańnie pradprymalnikaŭ prapanavała Savietu ministraŭ dazvolić u kijoskach i paviljonach prodaž piva ajčynnych vytvorcaŭ.
U zvarotnym liście Minhandlu havorycca: «Zabarona skiravana pieradusim na praduchileńnie pjanstva i ałkahalizmu siarod niepaŭnaletnich jak najbolš vierahodnych pakupnikoŭ hetaj pradukcyi ŭ abjektach drobnaroźničnaj handlovaj sietki».
Pavodle infarmacyi Minhandlu, «mienavita pradaŭcami kijoskaŭ ihnarujucca praviły handlu ŭ častcy zabarony prodažu niepaŭnaletnim va ŭzroście da 18 hadoŭ słabaałkaholnych napojaŭ i piva».
U liście adznačajecca, što, pavodle infarmacyi kancerna «Biełdziaržcharčpram», abmiežavalnyja miery realizacyi piva pryviali da źnižeńnia abjomaŭ prodažu hetaj pradukcyi praz drobnaroźničnuju handlovuju sietku ŭ kampanij Heineken Belarus (na 25%) i «Krynica» (na 29%). U suviazi z hetym kancern ličyć metazhodnym zachavać mahčymaść realizacyi piva praz drobnaroźničnuju handlovuju sietku.
Adnak Minhandalu źviartaje ŭvahu na toje, što źnižeńnie abjomaŭ prodažu piva vytvorčaści AAT «Krynica» ŭ pieršym kvartale 2009 hoda adbyłosia ŭ Minsku i Viciebskaj vobłaści, dzie rašeńni ab abmiežavańni realizacyi piva nie byli pryniatyja.
Kamientujučy BiełaPAN adkaz čynoŭnikaŭ, kiraŭnik «Pierśpiektyvy» Anatol Šumčanka zajaviŭ: «My zrabili vysnovu, što za zabaronaj niechta staić, i jaho dziejańni pa likvidacyi drobnaroźničnaj sietki naŭmysnyja». Pavodle słoŭ Šumčanki, u pryvatnaj razmovie ź im niekatoryja pradstaŭniki miascovych uład i departamienta pa pradprymalnictvie pry Ministerstvie ekanomiki zajaŭlali, što nie razumiejuć nieabchodnaści zabarony realizacyi piva ŭ kijoskach i paviljonach.
Niahledziačy na ćviorduju pazicyju Minhandlu, u žniŭni «Pierśpiektyva» maje namier pravieści ŭ Minsku sustreču kiraŭnikoŭ małych handlovych pradpryjemstvaŭ, na jakuju płanujecca zaprasić uładalnikaŭ kijoskaŭ, paviljonaŭ, biełaruskich pivavaraŭ, pradstaŭnikoŭ Hramadska‑kansultatyŭnaha savieta pry Administracyi prezidenta, pasłoŭ krain ES. «My majem namier abmierkavać prablemu z usimi zaprošanymi», — padkreśliŭ Šumčanka.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB55
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary