Pakul z zapaśnikoŭ staličnych muziejaŭ padastavanyja mała nie ŭsie pracy, pryśviečanyja vajennaj tematycy, nie pryviazanaja ni da jakoj daty fotavystava «Kalekcyja śnieńniaŭ» moža zastacca pa-za ŭvahaj.
(Na fotapracach krušni Kreŭskaha i Halšanskaha zamkaŭ)
Pakul hetymi dniami na mastackich placoŭkach stalicy adbyvajucca vystavy, prymierkavanyja da Dnia vyzvaleńnia Minsku i z zapaśnikoŭ stalicy padastavanyja mała nie ŭsie pracy, pryśviečanyja vajennaj tematycy, nie pryviazanaj ni da jakoj daty fotavystava «Kalekcyja śnieńniaŭ», što prachodzić ciapier u Muziei sučasnaha vyjaŭlenčaha mastactva (pr. Niezaležnaści, 47), moža zastacca pa-za ŭvahaj. Tut na aŭtarskich zdymkach Siarhieja Ždanoviča Biełaruś i Minsk paŭstajuć nie jak hramadskaja prastora, arena vialikich padziejaŭ, a jak źlepak asabistaha pieražyvańnia, dzie śnieńni fatohrafa i čujnavańnie abjektyvu pieraplatajucca mudrahielistym čynam.
Siarhiej Ždanovič zajmajecca zbolšaha kanceptualnym mastactvam u žanry čorna-biełaj fatahrafii, a taksama prastoravaj instalacyjaj, multymiedyja, pierfomansam. Aŭtar i ŭdzielnik šmat jakich art-prajektaŭ i kalektyŭnych vystavaŭ. «Kalekcyja śnieńniaŭ» źjaŭlajecca zboram tvoraŭ, zroblenych fotamastakom za apošnija kolki hadoŭ.
«Fatahrafija dla mianie – adviečnaja niedaskazanaść, impuls žadańnia i spantannaść, - śćviardžaje Siarhiej. - I ŭ hetaj spantannaści jość niešta efiemiernaje i šalona pryhožaje, jak u pieršych dziciačych uspaminach, kali my jašče nie ŭ stanie kiravać ułasnaj pamiaćciu i miechanizmam zapaminańnia».
Mastak Siarhiej Kažamiakin ličyć, što Ždanovič u svaich pracach zdoleŭ pajadnać vyjaŭlenčaje mastactva i mastackaje fota. “Z časoŭ uźniknieńnia mastackaj fatahrafii, jany z žyvapisam u stanie kanfliktu. Siarhiej Ždanovič ža adzin z tych, chto zdoleŭ pajadnać žadańnie adlustravać navakolle, ale kab vykarystać pry hetym aŭtarskaje prymańnie śvietu. Z adnaho boku, Ždanovič biare adbitak śvietu, ale ź inšaha robić prastoru tolki asnovaj dla dalejšych ekśpierymientaŭ”.
Vystava “Kalekcyja śnieńniaŭ” praciahniecca da 11 lipienia.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary